→ كل الوصفات
#وصفات_عيد_الاضحي 🐏
المقادير
- 1/4 كيلو سجق بلدي مجمد
- لفة جلاش
- 3 فلفل الوان صغير مقطع
- 1 طماطم بدون القشر مقطع
- 1 بصل وسط مقطع
- معلقه صغيره ثوم مفروم
- ملح / فلفل اسود
- للجلاش
- سمنه / زيت / زبدة
- 1/4 كوب لبن
- للوجه
- بيضة
- قشطة
- زيتون مخلي / جبنة رومي مبشوره / جبنة موتزاريلا
- للتسقيه
- 1/2 كوب لبن
- رشة بيكنج بودر
طريقة التحضير
- اول حاجه بنقطع السجق والافضل يكون متجمد علشان يبقى سهل نقطعه (ممكن تعملي نص كيلو براحتك بس الربع كان كويس معايا)
- وفي طاسه ننزل بالسجق المقطع وغير مغسول ونشوحه بدون اي ماده دهنيه هو هينزل دهون
- ثم ننزل بالبصل المقطع مكعبات ثم ننزل بالفلفل الالوان
- ثم ننزل برشة ملح وفلفل اسود ومنكترش لان كده كده السجق متبل احتا يذوب بنتبل الخضار
- ثم ننزل بالطماطم ونقلب ونطفي عليه ونتركه على جنب يبرد
- بنجيب صينينه وندهنها سمنه كويس كويس جداً من زبدة)
- وبنقسم لفة الجلاش بالنص (بنعد كام طبقة ونقسمهم) ثم نأخذ طبقتين من الجلاش ونرصهم في الصينية ونترك الاطراف الزياده برا الصينية علشان نقفل بيها الفطيره وندهن من خليط (السمنه + زيت + زبدة ….او تستخدم حاجه واحدة براحتك) بتناوب مع اللبن يعني نأخذ فرشه من خليط السمنه وفرشه من اللبن ونكرر نفس الخطوات لحد ما نخلص نص الكميه
- ثم ننزل بالسجق ونساويه كويس ونضع زيتون + ميكس جبن ونقفل عليها طبقات الجلاش - ثم نكرر في النص التاني من الجلاش نفس الخطوات ونقفل بردو واخر طبقة تكون متساويه قد الصينية مظبوط ونقطع الجلاش
- نجي بقي للوجه قد اختيارين : - اما تدهني الوجه قشطة ونرش على الوجه سمسم + حبة البركه - او وجه بيتزا فتدهني الوجه بيضة مخفوقه مع فلفل اسود ورشه ملح ونوزعها على الوجه ونضع فلفل الوان + زيتون مخلي + ومكس جبن (انا استخدمت الجبن اللي كانت موجوده عندي كانت جبنة رومي مبشوره وجبنه موتزاريلا وحلوم)
- وبندخل الصينية الفرن سابق التسخين على ١٨٠ درجة ونتركها لحد ما تبدا تدي لون خفيف او تنشف كده نطلعها وننزل عليها(باللبن + البيكنج بودر) كما في المقادير ونوزعها في كل الصينية وندخلها الفرن تاني ونسيبها لحد ما تشرب وبعدها نشغل الشوايه تأخذ وجه وبالف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد