→ كل الوصفات

فطيره بالفراخ

طريقة عمل فطيره بالفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 كوب دقيق
  • كوب و ربع ماء او لبن او نص ونص
  • رشه ملح
  • رشه سكر
  • خلطه سويس (في وصفات سابقه)
  • خلطه فراخ (في وصفات سابقه)
  • موتزاريلا
  1. هننخل الدقيق ونحط عليه ملح وسكر والماء او اللبن ونعجنهم كويس لحد ما تبقى عجينه
  2. هنعمل العجينه كور وندهنها سمن كويس و نحطها ترتاح ربع ساعة في الثلاجه
  3. نطلعها نرش على السطح دقيق ونأخد كوره نفردها على الاخر لحد ما تبقى رفيعه اوي تبقى مبينه الرخامه تحتيها وندهنها سمن كويس اوي علشان متنشفش في التسويه
  4. ممكن نحشيها بطريقتين لاما ندهن صينيه و فرد جزء من العجينه وندهنها سمنه ونحط الحشو في النص ونفرد جزء ثاني ونحطها عليها من فوق ونحط سمنه على الوجه وممكن نفردها وندهنها سمنه ونحط الحشو ونتنيها زي الظرف من الاربع جوانب نقفلها على بعض ونحط سمنه على الوجه
  5. نكون مسخنين الفرن على اعلى حاجه و نحطها جواه ونسيبها تستوي كل فرن على حسب التسويه بتاعته انا بتاعى خد 30 دقيقه بس كل واحد يتابعها لحد ما تستوي من تحت ونخرجها نرش عليها موتزاريلا من فوق ونفتح الشوايه 5 دقائق يادوب الجبنة تسيح ونخرجها نقطعها (اهم حاجه في كل دا السمنه علشان تبقى طريه متنشفش في التسويه)
  6. و بالهنا والشفا على قلبكم ❤️
عجبتك الوصفة؟
شوف كل وصفاتنا في مكان واحد
كل الوصفات →