→ كل الوصفات
وأحلي كمان في أقل من نصف ساعة
المقادير
- 3 كوب دقيق
- 2 معلقه كبيره سكر
- رشه ملح
- ماء للعجن
- سمن للحشو
- كوب دقيق ذره أو دقيق ابيض
طريقة التحضير
- بسم الله اولا هنحط ال٢ ملعقة سكر على كوب الربع ماء وندوبهم ونزود الماء بالتدريج على الدقيق اللي عليه رشه ملح حسب الدقيق لغايه مايلم معاكي
- مجرد ما تلم العجينه هقطعها لكور وادهن كل كرة مسحه زيت واغطي الكور لغايه ما اجيب بولتين واحدة احط فيها سمن والتانيه احط دقيق ذرة أو دقيق ابيض
- هجيب كل كره وامسح الرخامه بالزيت كويس واحط عليها بوله العجين وافردها كويس وبعدين ادهنها سمن وارش على السمن رشه دقيق ذرة أو دقيق وألفها رول واقفل أطرافها كويس واسيبها على جنب وهكذا في باقي البطولات
- وبعدين اجيب اول روله عملتها افردها براحه بايدي أو الشابه واطبقها ظرف والم أطرافها من تحط عشان تكون ذي الكوره واسيبها على جنب
- واعمل كده في بقيه الرولات وبعدين اجيب أو كوره وابططها بأيدي بس ماترفيعهاش علشان ماتكونش رفيعه في التسويه واعمل كده في باقي الكورات
- اجيب طاسه امسحها زيت ولما تسخن اجعل النار متوسطه و احط الفطيره ولما تتحمر من تحت اقلبها
- وبالهنا والشفا جربوها ومش هتندموا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد