→ كل الوصفات
فطير سريع وحشوات مختلفه
المقادير
- 3 كوب دقيق
- كوب قشطه, للوجه
- كوب جبنه فلاحي
- 0.25 كوب زيتون
- 5 ملاعق قرفه وسكر على بعض
- 4 ملاعق كبيره زيت
- رشة ملح
- معلقه سكر
- رشه صغيره بيكنج بودر
- قليل ماء, للعجن
- قليل سمنه
طريقة التحضير
- بنحط الدقيق في بوله وعليه الملح والبيكنج بودر والزيت والسكر ونقلبهم. ونحط مايه, مش كتير, ونعجن لحد ما العجينه تلم معانا وماتلزقش في الايد
- نكور العجينه على 7 كرات ونسيبهم حوالي نص ساعه في التلاجه. واحنا بنكور كل واحده فيهم, نحط نقطه صغيره زيت على ادينا ونكور العجينه
- هو الاساسي 6 كرات, بس واحده زياده عشان لما بنفرد العجين ممكن يتخرم مننا من النص او يتقطع. بنقطع حته من الكوره الزياده ونحطها على القطع اللي في العجينه او لو كوره منهم صغيره, بنكمل من الزياده
- ونحط الحشو, الجبنه والزيتون ونفرد عجينه كمان ونحطها فوقيهم. ونقفل من كل الجوانب وندهن الوش زيت او سمنه
- بنفرد العجينه كويس اكبر حاجه نوصلها وندهن الوش سمنه. ونفرد العجينه التانيه على الاولى وندهنها سمنه
- وفي الفطيره التانيه, نعمل نفس الخطوات, لكن الحشو قرفه وسكر. وبندهن الوش قشطه عشان يحمر وياخد طعمها
- وممكن تغيري في الحشوات اللي انتي عايزاها ومتاحه ليكى في البيت
- فطيره بالجبنه
- فطيره بالقرفه والسكر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد