→ كل الوصفات
طعمها رائع
المقادير
- 3 كبايات دقيق
- رشه ملح
- رشه سكر
- معلقه بيكنج بودر
- علبة زبادي
- معلقتين زيت
- معلقتين زبدة
- سكر بودره
طريقة التحضير
- نحط الدقيق والملح والسكر والبيكنج بودر علي بعض ونخلطهم ف الدقيق
- نحط علبه الزبادي ومعلقتين الزيت والزبدة
- ونحط المايه شويه شويه لحد ما العجينة متلزقش ف الايد بس نعجنها كويس
- وبعدين نعمل العجينه ل 8 كور ونحطها ف صانيه ونحط ع الكور دي زيت عشان تبقي طريه ونغطيها ونحطها ف التلاجه نص ساعه
- نطلع كوره كورة ونفردها كويس بالنشابه ونحط زبده فيها ونطبقها زي الظرف ونحطها علي جنب
- ناخد الكوره التانيه نفردها كويس بالنشابه ونحط زبده عليها ونحط اللي طبقناها الاولي عليها
- ونطبق العجينه التانيه عليها ونحط زبده عليها من فوق
- ونحط حبه زيت صغيرين خالص ف الطاسه التيفال ونحط الفطيرة فيها ونسبها 3 دقايق كده لحد مانلاقيها من تحت احمرت نروح قلبنها الناحيه التانيه
- الفطيره اللي تطلع نحطها ف صانيه ونغطيها كويس عشان تطري
- وبعدين ناخد الفطيره نقطعها اربع تربع ونكون مسخنين اللبن ونحطه علي الفطيره بس مش لبن كتير ونرش السكر عليها
- بالهنا عليكم يارب 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد