→ كل الوصفات
طريقة عمل فطير باللبن والسكر سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 كوب من الدقيق
- كوب الا ربع ماء دافئ
- كوب لبن دافئ
- ملعقه صغيره سكر
- ملعقه صغيره ملح
- سكر بودرة
طريقة التحضير
- يوضع الدقيق في الطبق و نحط عليه الماء تدريجيا و نخلطها لحد ما تتماسك العجينه و متكونش بتلزق و نعملها كوره و نسيبها من ربع لنص ساعة ترتاح العجينه
- نعمل العجينه كور و نأخد كوره كوره نحط على السطح دقيق و نفردها و ندهنها سمنه كويس و نعملها كوره ثاني و نسيبها على جمب
- نجيب الكوره التانيه نعمل فيها زي الاولى و نحط سمنه كتير علشان تبقى مورقه و نحط الكوره الاولى جواها و نعملهم كوره كبيره و هكذا نفرد كل كوره و ندهنها سمن و ندخل جواها الكوره الى عملناها قبلها لحد ما نعمل العجينه كلها ثاني كوره كبيره
- نجيب صينيه و ندهنها سمنه و نحطها على النار نسخنها و نفرد فيها العجينه و نفردها كويس علشان تبقى رفيعه و حلوه و نحطها على نار هاديه و نقلبها على الوجه التاني لما يستوي
- لما تستوي من الجانبين نحط كوب اللبن الدافئ عليها و نسيبها تتشربه علشان تبقى طريه و فيها لبن
- نحط عليها سكر بودرة على الوجه و لو حد حابب اي اضافات صوص شوكولاته مكسرات على حسب الرغبه
- ممكن لو حبيتو تأكلوها بعد مده لو ببردت تحطوا عليها لبن و تسخنوها هتبقى كأنها لسه معموله
- بالهنا و الشفا على قلبكم ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد