→ كل الوصفات

فطير شرقي سريع وحجمه صغير

انتي عادي ممكن تعمليه كبير طبعا بس هتزودي كميه شويه و هتعملي كور كبيره #الأربعاء #الشيف_الذهبي #صدقة_جارية

  • كيلو دقيق لجميع الاستخدامات
  • 1/2 (2 كوب) ماء فاتر
  • 2 م ك سكر
  • م ص ملح
  • 1/2 كوب زيت
  • 2 م ك زبدة
  • 1/2 كوب ميكس جبن
  • 2 طماطم مقطعه مكعبات صغيرة
  • 2 فلفل رومي مقطع مكعبات صغيرة
  • شرائح زيتون
  1. هتجيبي بوله تحطي فيها الدقيق والسكر والملح وتخلطيهم كويس وبعدين تبدأي تنزلي الميه بتدريج وتعجني كويس اوي لمده 10 دقايق او تعجنيها ف العجانه لو عندك المهم توصلي لعجينه متوسطه ليونه وبتتمط في ايدك من غير ماتتقطع
  2. ونجيب طبق او بايركس مدهون بزيت ونكور العجينة ع شكل برتقاله صغيره او بيضه كبيره وندهن الكوره بزيت ونرصصها في طبق المدهون بزيت ونغطيها بالاسترتش و نسيبها ترتاح نص ساعة كده
  3. بالنسبة الحشوه براحتك مش مطالبة بحاجه معينة انا عن نفسي قطعت فلفل وطماطم وزيتون مكعبات صغيره و كان عندي فراخ بانيه متقطعه مكعبات و سيبتهم ع جنب
  4. وجيبت طبق فيه جبن موتزازيلا ع رومي ع شيدر
  5. وسيحت الزبده وحطيتها في بوله صغيره وحطيت شويه زيت صغيرين عليها
  6. وبعد العجينة ما ارتاحت جيت ع رخامه المطبخ دهنتها بالزبده والزيت الخليط اللي عملته ودهنت ايدي وبدأت افرد اول كوره عندي بايدي كويس لحد ما بقت رقيقه كده والرخامه تحسيها باينه من تحت و كل شويه تدهني ايدك كويس
  7. و بعدين جبت سكينه وعملت قطعت من جوانب مسافه مثلا 10 سم وعملت الجانب التاني زي اللي قدامي
  8. وبدأت احط الحشوه في النص فوق و اجيب الحته اللي ع جنب فوق الحشوه والحته اللي ع جنب تاني فوقيهم وادهنهم بزيت وزبده واطبق العجينه ع وشها
  9. وارجع احط الحته اللي ع جنب وبعدين الحته تانيه وبعدين اطبق العجينه وادهن وهكذا لحد ما العجينه تتلم كويس وتبقى عامله زي الباكت في ايدك مقفول ع اد كف ايدك واسيبها في طبق ع جنب ترتاح واكمل باقي كور بنفس طريقه
  10. وبعدين في صينيه خبز مدهونه بزيت احط الفطير ده واعمل من فوقه شويه جبن و فلفل وطماطم وزيتون زي البيتزا بالظبط واحطه ف الفرن لحد مايستوي
  11. او ممكن ماتحطيش حاجة من فوق الفطير وتقليه في طاسه في زيت كده وبألف هنا هتلاقوه طعمه حلو وخفيف جدا و مورق ❤️زي بتاع المحالات
عجبتك الوصفة؟
شوف كل وصفاتنا في مكان واحد
كل الوصفات →