→ كل الوصفات
طريقة عمل فطير شرقي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- مكعبات فراخ متقطعة
- جبنة موتزاريلا - شيدر- رومي مبشور
- مكعبات فلفل ألوان متقطع
- مكعبات طماطم متقطعة
- 3 ونص كوب دقيق
- ½ كوب لبن
- ½ معلقة سكر وزيها ملح
- معلقتين زيت
- بيضة
- زبدة
- فلفل أسود
- صوص باربيكيو
- زبادي
- توم بودرة وبصل بودرة
طريقة التحضير
- يتم عجن الدقيق واللبن والسكر والملح والزيت كويس لمدة ١٠ دقايق وبعدها يتغطى ويرتاح من ٣٠ ل ٤٥ دقيقة
- نتبل الفراخ مع رشة ليمون ومعاها التوم والبصل البودرة والزبادي ورشة سكر ونسيبها برة شوية
- ننزل الفراخ على النار لمجرد تغيير لونها وبعد كده نشيلها
- نقسم العجينة ل ٣ أجزاء لكل فطيرة وندهن صينية بزبدة
- نفرد الجزء الأول على شكل دائري ونحطه في الصينية وندهن سطحه بالزبدة وبعد كده نحط الجزء التاني من العجينة وعليه حشو الفراخ مع الخضار المتقطع مكعبات و مشكل الجبن وصوص باربيكيو
- نفرد الجزء الأخير من العجينة ونحطه فوق الحشوة وندهن سطحه بزبدة وبيض ورشة فلفل أسود ونحط الصينية في الفرن السابق تسخينه وتجهيزه وبعدها يتحط على الشواية وقت بسيط
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد