→ كل الوصفات

فطير مشلتت بالدقيق الاسمر

#فطير تغيير يمكن يبقى دايت لو دقيق اسمر😂 ملحقتش اصور غير دى بالعافيه كله اتنسف في وقت قياسى الف هنا عليهم😋😍

  • 4 كوب دقيق
  • 1 معلقه صغيره بيكنج باودر
  • 4 معلقه كبيرة سكر
  • 2 معلقه صغيره ملح
  • ماء دافئ للعجن حسب ما ياخذ الدقيق
  • 250 جرام او اكثر زبده او سمنة سايحه للفرد
  1. نخلط الدقيق مع البيكنج باودر والملح ونذوب السكر في كوب ماء دافئ ونضيفه على الدقيق
  2. نعجن كويس لحد متبقى عجينه طريه مش بتلزق ونسيبها ترتاح نص ساعة او ساعة
  3. نقسم العجينه كرات متوسطه
  4. نقسم كل كوره ل 3 كور (صغيرة ووسط وكبيره) ونفرد الصغيره ونطبقها ونحطها على جمب وبعدين نفرد الوسط ونحط الصغيره فيها ونطبق وبعدين نفرد الكبيره ونحطهم جواها
  5. الفرد بكون بسمنه او زبده عشان يكون طرى
  6. يتسوى على نار من فوق في مقلاه مدهونه سمنه او زبده مش في الفرن عشان يكون طرى
  7. بعد ميستوى ندهن على الوجه سمنه سايحه ونغطيه لحد ميبرد عشان مينشفش والف هنا 😋😍
عجبتك الوصفة؟
شوف كل وصفاتنا في مكان واحد
كل الوصفات →