→ كل الوصفات

فطير مشلتت بمنتهى السهولة

فطير مشلتت بمنتهي السهولة بجد

  • 4 كوب دقيق
  • 2 م ك سكر (اختياري)
  • ½ م ص ملح
  • ماء حسب الاحتياج
  • زبدة طرية او سمنة
  • قشطة
  • كيس فانيليا او نقطة فانيليا سائلة (اختياري)
  1. اولا في بولة احط الدقيق والسكر والملح وابدا انزل الماء حبة حبة بالتدريج وانا بعجن لحد لما العجينة تلم معاكي ، وخلي بالك هي بتأخذ عجن كتير شوية
  2. اغطيها واسيبها ترتاح نص ساعة ، بعدين ابدا افرد العجينة كلها مرة واحدة على سطح مدهون سمنة او زبدة ،
  3. بعدين افرد السمنة او الزبدة على العجينة كلها ، والفها رول زي السينابون كدة ،
  4. واقسم العجينة على حجم الفطائر اللي انتي عوزاها ، بعدين افردي كل جزء مستطيل كدة وبعدين طبقيه على شكل دائرة وسبيهها ترتاح ١٠ دقائق ،
  5. بعدين في صينية مدهونة سمنة او زبدة افرد العجينة وبعدين على الوجه ادهني قشطة عليها فانيليا (بتجي ريحة تحفففة) ودخليها الفرن لحد لما تأخذ لون ،
  6. لما تطلع غطيها كويس جداً عشان تبقي طريقة وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →