→ كل الوصفات
#فوود_كود
المقادير
- كيلو دقيق
- 0.5 معلقة صغيرة ملح
- معلقتين زيت
- ماية دافئه حسب الحاجة
- زيت لفرد الفطير
- سمنة على زيت او سمنة بس براحتك
طريقة التحضير
- في طبق العجن هنحط كيلو الدقيق عليه الملح ونقلبه بأيدينا ونضيف الزيت ونقلب وبعدين نعجن بالماء الدافئه لغاية لما العجينة تتكور ومتلزقش في ايدينا ولا في الطبق
- نقسم العجينة على ١٢ كورة ونضعها في الطبق عليها زيت
- نغطيه بكيس ونسيب العجينة ترتاح ساعة
- نرش زيت بسيط على الرخامة ونفرد الكورة الأولى لما تبقى العجينة شفافة وندهنها بالسمن عليها كلها وبعدين نطبقها زى الظرف
- نفرد الكورة التانية بنفس الطريقة بس قبل منطبقها هنحط جواها الفطيرة اللى فردناها في الاول وبعدين نطبقها عليها
- الكورة التالتة تفرد بنفس الطريقة وقبل منطبق هنحط اللى فردناه قبل كدة ونطبق عادى
- كدة يبقى خلصنا فطيرة هنفردها على طبق مسلطح لما نخلص باقي الفطير
- هنكرر كل دة بحيث كل ٣ كور يعملولنا فطيرة يعنى الكيلو هيعمل 4 فطاير محترمين
- هنسويه على طاسة على البوتجاز من فوق ونغطيه ونعلى النار في الاول وبعدين نوطى لما تحمر من تحت نقلبها تحمر من الناحية التانيه وخلاص كدة
- يتاكل جنبها عسل او جبنه قديمه..بالهنا والشفا لو جربتوها وعجبتكم ياريت دعوة منكم 😆
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد