→ كل الوصفات
#النمليه طول عمري بحب آكل من ايد جدتي الله يرحمها واحلي نفس في الاكل كان نفسها وامي ربنا يديها الصحه كملت تعليمي وخلتني احب الطبخ اكتر ومن اكتر الاكلات الي معرفش اكلها غير من ايديهم كانت الفطير المشلتت وزمان كانت جدتي بتعمله بدقيق الذره مش الدقيق الفاخر وانا اتعلمته منها ومن امي ربنا يبارك في عمرها
المقادير
- كيلو الا ربع دقيق يعني 750 جرام
- كوب ونص ماء بارد علشان الجو حر
- معلقه صغيره ملح
- 200 جرام سمنه بلدي
طريقة التحضير
- نضيف الدقيق والملح والماء في عجان أو طبق العجن
- نضيف الماء شويه بشويه لحد العجين مايلم
- نشغل العجان أو باستخدام ايدنا نفضل نعجن مش اقل من ١٠ دقايق لحد مانلاقي العجينه بقت انسيابيه نحطها في طبق مدهون زيت وتركتها ترتاح ١٠ دقايق
- نبدأ نفرد العجين باستخدام النشابه علي شكل دايره وبعدين نستخدم الايدين في الفرد أو رح العجين
- نرش السمنه علي العجين ونطبقها زي الظرف ونكورها وندهن وشها سمنه ونحطها في صينيه ونفردها
- ندخلها الفرن علي درجه حراره عاليه دون فتح الشوايه ولما تحمر افتح الشوايه وأحمرها من فوق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد