→ كل الوصفات
طريقة عمل فطير مشلتت سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو دقيق
- معلقة صغيرة ملح
- معلقة صغيرة سكر
- كوبان ماء او على حسب نوع الدقيق
- زيت وسمنة للفرد ممكن زبدة وزيت وممكن سمنة
طريقة التحضير
- اول هنجيب الدقيق ونضع عليه ملعقة السكر والملح والمية او نجيب كوب ونذوب فية السكر والماء ونضعهم على الدقيق ونعجن عشر دقائق لحد متتكون عجينة ملساء وليها عرق تكون بتشد
- بعد كدة هنقطع العجينة كور على حسب الحجم اللي تحبية والعدد إللى انتى عايزاه معلومة افضل عدد نفع معايا من 10 إلى 12 قطعة ونسيبها ترتاح ساعة
- وبعد كدة هنضع السمنة على الزيت في حلة او مقلاة على النار يدفو مش يسخنو وبعد كدو نزلهم من على النار ونضع فية كرات العجين وناخد واحدة واحدة وعلى الرخامة ونفرد وكل منحس انها محتاجة مادة دهنية نحط
- ونفرد لحد مترفع خالص ونفضل نكرر نفس الطريقة لحد منخلص العجينة كلها وكل منفرد واحدة نحطها لحد منجمع العدد إللى احنا عايزينو فوق بعض وبعد كدة نلمها نصين وكل منلم ندهن سمنة وزيت ونقفلها كورة ثاني ونحطها في صينية مدهونة سمنة وزيت او سمنة بس إللى تحبوة
- وتسبيها في الصينية لمدة ساعة ترتاح
- وبعد كدة نشغل الفرن على اعلى حرارة قبلها بربع ساعة عشان يسخن ولما يسخن نحط الصينية ونسيبها من ربع ساعة ل 25 دقيقة او على حسب الوجه ميحمر وفي ملحوظة ممكن الوجه يتحمر وتكون معجنة من جوة وعشان دا محيصلش حركى الصينية لو الفطيرة اتحركت معاكى مش ماسكة في الصينية ووشها محمر يبقى استوت لو متحركتش يبقى استنى شوية
- آخر حاجة بعد ما تستوي وتخريجها من الفرن يسببها تبرد خالص وفي كيس بلاستيك وعلى الفريزر وكل متحبى تاكلى طلعيها وسيبها برة الفريزر اول متفك هترجع طازجة ثاني وبالف هناء وشفاء
- وفي النهاية احب اقولكم لية مش حاطة اي صور للوصفة عشان في ناس بتعتمد على شكل الوصفة ومش بتركز فعدم وضع الصورة عشان كلو يعمل هو بنفسو كل حاجة وطبعا في اساتذة في عمايل الفطير بس في ناس بيكون نفسها فية ومش بتقدر تشترى ونفسها تعملو فدى طريقة سهلة ومعلش طولت في الوصف بس بحب اقدم النصحية كاملة ويارب اكون فيدكم
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد