→ كل الوصفات
#الشيف_بهجه_يوسف #طريقه_الفطير_المشلتت_علي_اصولها
المقادير
- 1 كيلو دقيق
- 1/2 لتر ماء
- رشه ملح
- معلقه سكر
- معلقتين زيت
- 1/4 كيلو سمنه بلدي
- 1/4 كيلو زبادي
طريقة التحضير
- نخلط الدقيق بالسكر والملح ومعلقتين الزيت
- ثم نخلط الدقيق بالماء ونعجن لمده لو بالعجان لمده ١٠ دقائق ولو بايدك هتعجني ١٥ دقيقه
- ملحوظه كل ما يتعجن كويس كل ما يديكي نتيجه حلوه وطعم احلى
- هنسيب العجين يرتاح لمده ١٠ دقائق ثم نقسمه على اربع كور متساويه ثم نفرده باستخدام الزيت لحد مانلاقي العجين اتفرد زي الورقه ثم ندهن الفطير بالسمن البلدي ونطبقه ونكور ونحطه في الصينيه ونسيبه شويه لحد مانخلص الكميه بالكامل ثم نرجع لاول واحده ونفردها في الصينيه وندهن وجهها بالزبادي ويدخل الفرن على درجه حراره متوسطه لمده ١٥ دقيقه على اخر رف او الى ان يستوي ويقدم ساخن مع عسل ابيض او اسود او جبنة قديمه وبالهنا والشفا
- 🤭🤭🤭🤭🤭من حلاوته نسيت اصورلكم الفطير ومعاه العسل والجبنه يالا مش مشكله المره الى جايه😂😂😂😂😂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد