→ كل الوصفات
طريقة عمل فطير مشلتت سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو دقيق
- ماء دافئ
- ½ كوب سكر
- معلقه صغيره ملح
- سمن وزيت
طريقة التحضير
- اضيف الدقيق والملح والسكر ع بعض واخلطهم
- اضيف الماء الدافئ واعجنهم كويس "ملحوظه"المايه مش مقدار معين حسب نوع الدقيق في دقيق بشرب مايه وفي دقيق مش بيحتاج مايه كتير
- اول ما العجينه تلم معايا اكون منضفه رخامة المطبخ واحطها عليها
- واعجنها كويس لمده ربع ساعه لغايه ما تبقي عجينه طريه اوي زي الملبن ومش بتلزق ف اليد
- واحطها ف وعاء واغطيها واسيبها ترتاح لمده نصف ساعه بالظبط
- وبعد ما ترتاح اجيب صنيه مدهونه زيت واقطع العجينه كور ع حسب المقاس اللي إنتي عايزاه انا هنا عملت العجينه كلها 3 كور بس للفطيره لو عايزه فطيرتين قطعيها ع 6 كور مقاس بعض واول ما اقطعها اسيبها ترتاح لمده نصف ساعه بالظبط
- وبعد كدا احضر طبق في زيت وسمن مخلط اناهنا استخدمت سمن بلدي بس
- وبعدين اكون منضفه الرخامه تدهن بالسمن واحط عليها الكوره الاولي تدهن بالسمن
- وبعدين افردها ب ايدي
- اول ما افردها ارش عليها سمن واطبقها
- واللمها بالشكل دا واحطها ع جمب
- وتفرد الكوره التانيه بنفس الطريقة
- واحط عليها الفطيره الاولى واللمها عليها وكل طبقه ارش عليها سمن واللمها بالطريقة دي
- وافرد الكوره التالته بنفس الطريقة واط عليه الفطيره بنفس الطريقه الاولي والتانيهواللمها
- اول ما المها اسيبها ترتاح لمده عشر دقائق
- وبعدين افردها ف صنيه وتدهن وشها بالسمن
- واحطها ف فرن ساخن لمده ساعه الا ربع
- وب الف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد