→ كل الوصفات
زي المخابز
المقادير
- 4 اكواب دقيق
- كوب زبدة بدرجة حرارة الغرفة
- رشة ملح
- ملعقة سكر
- كوباية ماء دافئ للعجن
طريقة التحضير
- يضاف الملح والسكر للماء ويدوب كويس
- يداف الدقيق تدريجيا للحصول على قوام متماسك للعجينة وبتكون العجينة بتلزق بسيط في الايد بس بتتلم من الدقيق في الطبق والمهم نفضل نعجنها كويس نحطها على الرخامة بتاعت المطبخ ونعجنها
- بعد العجن بندهنها بالزيت كويس ونغلفها بكيس ونتركها من نص ساعة لساعة ترتاح وبعدها نكورها لكور متوسطة الحجم او زي ما تحبي تعملي عدد معين من الفطير ونغطيها ونتركها ترتاح مرة تانية
- بعدها بناخد كورة ونفردها بالنشابة او بالايد بالزيت على رخامة المطبخ ونشدها بالراحة علشان متتقطعش ونفردها وندخلها هوا لحد ما تكون شفافة وندهنها بالسمنة كويس جدا ونطبقها زي الظرف وكل ما نطبق طبقة ندهن فوقها بالسمنة ميلمسش العجين بعضه من غير سمنه هنطبقها على شكل ظرف ونلم اطراف الظرف ونكورها لتحت في بعضها ونحطها على جنب
- هنجيب كورة تانية ونكرر نفس الطريقة ونجيب كورة تالتة ونفردها وندهنها ونحط فوقها كورة من الكور اللي خلصناها وركناها على جنب ونطبقها عليها وندهن سمنه ونقفلها ونركنها على جنب ونجيب كورة جديدة ونفردها وندهنها ونحط جواه الكورة اللي فاتت اللي حطينا فيها كورة وطبقنا عليها
- وبكدا نكون طبقنا تلت كور جوا بعض ونكرر كل تلت كور بنفس الطريقة ونركنهم على جنب يرتاحوا في الصواني اللي هندخلها بيهم الفرن وبعد نص ساعة نبططها ونفردها في الصينية وندهن الوش بسمنه او قشطة اللي متوفر عندك وندخلها فرن ساخن من قبل ونتابع التسوية اذا احمرت واتنفخت وعليت ولسه محمرش الوش نطفي من تحت ونولع الشواية ونتابع لحد ما تحمر ونخرجها ونغطيها بفودة نضيفة وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد