→ كل الوصفات
ريحة الفطير وهو طالع من الفرن كفاية تحكي الحكاية كلها سخن وطري ومورّق… ومع عسل أو جبنة يبقى العشق كله طبقات مورقة ودوبان يجننن فطير مشلتت معمول بحب ✨ #أول_تجربة بس حقيقي انا فخوره بيا اووي #المريول_السوبر جربوه #ع_طريقتي 👌🏻
المقادير
- 4 كوب دقيق
- كوب و نص مية
- رشة ملح
- 2 م ك سكر
- كوب سمنة جنة ع زبدة بلدي
طريقة التحضير
- ف بوله غويطه هانحط الدقيق مع رشه الملح و السكر و نقلبهم و نبدا نعجن بهدوء كدا لحد ما العجين تبطل تلزق ف ايدينا و نعجنها كويس ع اد ما نقدر نخدم العجينه ف العجن ها نقطعها كلها كور اد بعضها و ندهن الصينيه زيت و نرص الكوره و ندهنا زيت و نغطيها بكيس و نسيبها تترتاح نصف ساعه ع الاقل و طبعا كل ما ارتاحت اكتر كل ما كانت اسهل معاكي
- هانختبرها و نحط صبعنا ف الكوره لو علم و ثبت ف مكانو يبقي كدا تمام نبدا نشتغل بيها.. هانسيح السمنة و الزبدة كويس.. و نبدا ناخد اول وحده و نفردها كويس و ندهنا و نطبقها و طبعا واحنا بنطبق ندهن بردو سمنه ف كل خطوه و نحطها ع جنب هانكرر كل الخطوات مع باقي كور العجين انا عملت معايا 12 كوره يعني 2 فطيره وسط 🫶🏻
- هانبدا نقسمهم كميه متسوايه و نحط كل وحدا جوا التانيه لحد ما تخلص معاكي الكميه الاولي
- هاندهن الصينيه كويس و نسيب الكوره الكبيره بقي ترتاح كمان نصف ساعه.. كل ما ريحتي العجينه كل ما فردت معاكي بسهوله 👌🏻 هنا حطيتهم ف الصينيه و غطيتهم يرتاحو ساعه الا ربع بعدين فردتهم ً و ع فرن عالي دخلتها
- استوت طبعا و اتحمرت و حقيقي انا اول مرا ف حياتي اعملو و مكنتش متوقعه انو يطلع كدا
- جربوه و بالهنا و الشفا 🫶🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد