→ كل الوصفات
الوصفة دي عباره عن حلويات من مطبخ المغربي ( حلويات تقليديه مغربيه) طعمه جميل اوي ماشاء الله هيعجبكم بإذن الله❤️ تقدري تعملي نص المقدار لأنه بيعمل ماشاء الله كمية كبيرة #حلويات_مغربية #حلويات #مطبخ_المغربي
المقادير
- 250 جرام سكر
- 250 مل زيت
- 50 جرام لوز مقشر وانا طحنته خشن يعني يكون قطع صغيره مش بودر
- 50 جرام زبيب
- 50 جرام سمسم
- 50 جرام ينسون
- 1/4 كوب ماء زهر (اختياري)
- رشة ملح
- 5 بيضات
- 900 جرام دقيق (قابلة للنقص او زيادة ع حسب ماتحتاج العجينة)
- 8 جرام بيكنج بودر
- م ك نسكافيه
- صفار بيضه
طريقة التحضير
- هنجيب بولة ونحط البيض ورشة الملح والسكر ونخلط كويس اوي تقدري تخلطي بايدك او بمضرب يدوي لحد ما الخليط يكون متجانس
- بعدين ننزل بالزيت ونخلط كويس
- بعدين نحط الينسون و السمسم مع الخلط كويس و بعدين ننزل بالزبيب و اللوز ونخلط كويس
- بعدين نحط ماء الزهر مع الخلط (الخطوة دي اختياري ممكن ماتحطيش وممكن تحطي فانيليا سايلة او تستغني عن الخطوة دي ككل)
- بعدين ننزل بالدقيق بالتدريج والبيكنج بودر مع الخلط لحد مانوصل لعجينة طريه مش قاسيه ولا مرخيه بزيادة هتلقيها بتلزق بسيط ف صوابعك عادي بس المهم تعرفي تشكلي بيها
- هجيب طبق زيت جنبي و أبل صوابعي بالزيت وابدأ اكور العجينه لكور متوسطه وبعدين امسك كورة كوره وادهن ايدي بالزيت كده وابرمها رول رفيع
- هرص الرول ده ع صينيه مدهونه زيت خفيف وابططها بحيث يكون سمك وسط شوية مش رفيع اوي ونكرر الخطوات ف الكور اللي باقية
- بعدين ف بولة هحط صفار بيضه مع نسكافيه ونخلطهم مع بعض وبالفرشه ندهن وجه العجينة ونسيبها دقيقه كده ونجيب شوكه نمشيها عليها براحه علشان ترسم خطوط
- ندخله الفرن ع حرارة ١٨٠ ° لحد ما يستوي بس ماتوصلهوش لحد مايتحمص لا يستوي وتطلعيه تغطيه بفوطه لحد مايبرد هتلاقيه بقى طري تجيبي سكينه وتقطعيه بزاويه كده شرايح وتدخليه الفرن ياخد لون ويتحمص بسيط وتطلعيه وبألف هنا ♥️
- او حل تاني لاما تخليه يستوي نص تسوية وتقطعيه بعد مايبرد وتدخليه الفرن تاني يكمل تسويه وياخد لون وتطلعيه وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد