→ كل الوصفات
#أطباق_سريعه هاي الوصفه من صديقتي الغاليه الله يبارك فيها وكتييير عجبتني وعملت منها كميه وفرزنتو بالفريز وكل ما اشتهي بشيل وبقلي او بشوي.. انا اخر خطوه وهي السمسم نسيت حطها مع اني محضراه مع المكونات يلا بالمرات القادمه 😍👌
المقادير
- كيلو حمص
- 2 ضمه كزبره
- 2 ضمه بقدونس
- 2 ضمه كزبره
- 2 ضمه شبث (عين جراده)
- ملعقه كمون
- ملعقه كزبره بودرة
- ملعقه ملح
- ملعقه فلفل اسود صغير
- 3 بطاطا مقشره حجم صغير
- 3 بصل مقشر حجم صغير
- 3 ازرار ثوم
- 1 فلفل اخضر حار
- 1/4 ملعقه كربونات بنوضعها فقط قبل القلي على الكميه الى رح نقليها
- سمسم
طريقة التحضير
- ننقع الحمص بالماء بالتلاجه لمده ١٢ ساعة وبعد ١٢ ساعة منصفي من الماء بشكل تام ومنرجعو على الثلاجه كمان ١٢ ساعة ليتصفى من الماء بشكل تام
- نغسل البقدونس والكزبره والشبث جيداً وننزع الورق منه فقط وننشفهم جيداً من الماء
- بالماكينه.. نضع كمشتين حمص مع بصله مقطعة وزر ثوم وكمشه كزبره وبقدونس وثوم و بطاطا مقشره ومقطعه وفلفل حار ومنخلطهم بالخلاط بشكل بطيييئ جداً حتى لا يصبح ناعم.. نخلط ونوقف ونرجع نخلطهم من تحت لفوق ومنرجع كبسه خفيفه ومنوقف لحتى مايصير ناعم ويكون بين ناعم وخشن.. وهكذااا حتى نخلص من الكميه كلها ونطحنها
- منعجنهم بايدينا ومنضيف الملح والكمون والكزبره البودره والفلفل الاسود والسمسم
- الكميه رح تكون كتيره.. الجزء الى رح نقلي منوضع على ربع ملعقه كربونات ومنخلطهم بالمعلقه او بايدنا ومنبدا نشكل كرات
- على نار عاليه مننزل كرات الفلافل وبعدها منخفف الغاز لحتى يستوي من جوا
- ومليوون عافيييه
- الكميه المتبقيه نوضعها بكياس وبالفريزر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد