→ كل الوصفات

فلافل شاميه 👍

طريقة عمل فلافل شاميه 👍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو حمص منقوع قبل بيوم
  • 0.5 حزمه كزبره خضره مع بقدونس
  • بصله صغيره
  • سنين توم
  • ملعقه كبيره ملح
  • ملعقه صغيره كمون
  • ملعقه صغيره كزبره ناشفه
  • 0.5 ملعقه صغيره بيكربونات الصودا
  • سمسم سماق
  1. منغسل الحمص المنقوع من المي ومنصفيه
  2. منحط عليه كل البهارات ماعدا الكربونه مع البصله والتوم ومنغسل الكزبره والبقدونس ومنحط بس الورق منفرمها وجه واحد على ماكينه الكبه عالشفره الناعمه
  3. منحط بيكربونات الصودا ومنحرك منيح منتركن ربع ساعه وبعدين منبلش قلي بزيت غزير وحامي بس نطلعن من الزيت منرش عليهم السمسم والسماق
  4. وبتتقدم مع مسبحه الحمص موجوده بوصفاتي و سلطه طرطور ومخللات وخضره بندوره وخس ويقدونس بالعافيه طيبه كتير الفلافل تنعمل سندويش بخبز مشروح مندهن الخبز بلمسبحه وبعدين الفلافل وعليها كل الخضره يلي بتحبي خس بقدونس بندوره مخلل وبعدين رشه لبن مع طحينه جربوها وادعولي
عجبتك الوصفة؟
شوف كل وصفاتنا في مكان واحد
كل الوصفات →