→ كل الوصفات

فلافل

#فلسطين_داري الفلافل من الاكلات المحبوبة جداً للجميع صغار وكبار، ما في اطيب من ساندويشة فلافل غرقانة بالطحينية ومحشية بمخلل وبندورة وشوية شطة حارة. انا هيك بحبها. واكيد محلات الفلافل متوفرة بكثرة سواء كان بفلسطين او أي مكان اخر بالشرق الاوسط. ولكن الواحد بالهجرة بيشتهي شي ساندويش فلافل طيب. وفي بداية هجرتي ما كان كتير متوفر في المنطقة يلي كنت عايشه فيها وحتى لو متوفر مرات الطعم مش متقن. فكانت خالتي اللي تسكن بالقرب من منطقة سكني دايما تزودني بأكياس من خليط الفلافل المفرز يلي هي عاملته من قبل حتى احضره وقليه في الوقت يلي بيجي عا بالي. وكان طعمه ولا اطيب. فهاي الوصفة ويلي حبيت اشارككم فيها اليوم هي طريقة خالتي الله يخليها ويحفظها واللي اعتادت تعملها دايما، انشالله تنول إعجابكم.

  • 1/2 كيلو او 2.5 كوب حمص ناشف
  • 1 ضمة بقدونس منقبة
  • حبة بصل مقشرة
  • 2-4 فصوص ثوم مقشرة
  • حبة بطاطا حجم وسط مقشرة
  • ملعقة صغيرة كمون
  • ملعقة صغيرة كزبرة ناشفة
  • 2 ملعقة صغيرة بيكنج باودر
  • 1 ملعقة صغيرة ملح
  • فلفل اخضر حار حسب الرغبة
  • 2-4 كاسات زيت للقلي وبحسب حجم الوعاء
  1. ننقع الحمص بالماء بمعدل ٨ ساعات او طوال الليل
  2. نوضع جميع المكونات في الخلاط الالي (فود بروسسر) كالاتي: الحمص بعد تصفيته من الماء، البقدونس، البصل، الثوم، البطاطا، الكمون، الكزبرة، ملح والبيكنج باودر. يخلط حتى يصبح بشكل عجين
  3. عمل الفلافل على شكل دوائر أما باليد او بملعقة البوظة او اذا توفرت الالية التي تستعمل لعمل الفلافل يمكن استخدامها مع محاولة غطسها في الماء بين كل كم مرة حتى تجنب لصق الخليط بها. تكرار العملية لحين الانتهاء من الكمية التي نود قليها
  4. لتحضير القلي: حمي زيت القلي على نار عالية في وعاء غميق او أي وعاء مخصص للقلي. وضع حوال ٤-٥ قطع فلافل بكل مرة لمدة ٦-٧ دقائق، تحريك الفلافل حتى يتم قليه من كل الأطراف وعندما يميل لونه للبني نخرجه من وعاء القلي ونتركه جانبًا. نكرر العملية لحتى ننهي قلي بقية الفلافل
  5. يقدم الفلافل بجانب الطحينية او بتحضير سانديش بالخبز العربي مع الطحينية، المخلل، البندورة والشطة الحارة. وصحتين
  6. يمكن حفظ جزء من الخليط بأكياس الخاصة بالفريزر لمرة اخرى
عجبتك الوصفة؟
شوف كل وصفاتنا في مكان واحد
كل الوصفات →