→ كل الوصفات

فلفل محشي، بصل وبطاطا محشيه

طريقة عمل فلفل محشي، بصل وبطاطا محشيه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • فلفل حلو حسب كمية الاشخاص(انا استخدمت 5 حبات كبار و3 صغار)
  • حبة بطاطا
  • حبتين بصل حجم كبير
  • حبة بطاطا حبتين بندورة حبة جزر= بقطعهم دوائر وبرصهم بقعر الطنجرة
  • 3 ملاعق كبار معجون طماطم بذوبهم مع كوب ماء وبضيفهم بأخر خطوة
  • ملعقة صغيرة ملح
  • رشة فلفل اسود
  1. اول خطوة بنغسل الفلفل وبنطلع اللب وبنقطع الجزء العلوي وبنخليه على جنب عشان نستخدمه ك غطاء بعد ما نحشي الفلفل عشان الحشوة ما تطلع وبنخلص كل كمية الفلفل بهذا الشكل
  2. تجهيز حشوة الرز: بننقع الرز تقريبا ١٥ دقيقة وبعدها بنصفيه من الماء وبنضيف فوقه لحم مفروم وبنضيف الثوم المطحون ومعلقه الملح والفلفل الاسود وبقدونس مفروم وبنعجنهم مع بعض
  3. بحشي الفلفل بحشوة الرز وبسكرههم كثير كويس عشان ما تطلع الحشوة، بقطع البطاطا نصفين وبفضيها من اللب لحتى تصير مجوفه بحشيها من الحشوة وبسكرها ب لُبها اللي طلعته منها...البصل بطنجرة على الغاز بضيف فيها ماء وبحط البصل كامل وبخليه يغلي لحد ما تصير حبة البصله طرية كذا بعرف انها جاهزة للحشي
  4. بقطع حبة بطاطا على شكل دوائر وحبتين بندورة وحبة جزر حجم كبير برصهم بالطنجرة اللي ناوين نطبخ فيها
  5. بضيف فوقهم الفلفل المحشي والبطاطا والبصل وبرتبهم
  6. بجهز باكيت معجون الطماطم (تقريبا ثلاث ملاعق كبار) مع كوب ماء وبخلط لحد ما يذوب معجون الطماطم ويمتزج بالماء بديره فوق المحاشي وبضيف ملعقة ملح وملعقة ماجي صغار ورشة فلفل اسود الخطوة التالية بضيف فوقهم ماء صافي بس احرص انه ما تغطيهم وانما توصل لنص حبة الفلفل ،بشغل الغاز عليهم حوالي ساعة لما اتأكد انه كلشي استوى
عجبتك الوصفة؟
شوف كل وصفاتنا في مكان واحد
كل الوصفات →