→ كل الوصفات
يسعد مسائكم حبوباتي الفحلات حبيت نذكركم رانا على باب أسبوع حافل بالصيام 🤩 ♥️ 🕋 ⬇️ 👈يوم الخميس الأثنين 3/25 الموافق 12 شعبان يوم ترفع فيه الأعمال 👈يوم الجمعه 3/26 الموافق 13 شعبان أول أيام البيض 👈يوم السبت 3/27 ا الموافق 14 شعبان ثاني أيام البيض 👈يوم الأحد 3/28 الموافق 15 شعبان ثالث أيام البيض ويوم النصف من شعبان 👈يوم الأثنين 3/29 الموافق 16 شعبان يوم ترفع فيه الأعمال وهم خمسة أيام من أيام شهر شعبان المعظم ذكرو بيهم احبابكم جعلها الله في ميزان حسناتكم #امي_معلمتي واسمحولي بزاف على الدجاج 😅😅 الوصفة محظرتها من قبل وليوم باش كتب ربي نزلها ههههههههه
المقادير
- كيلو فلفل حلو اخضر
- صدر دجاج
- حبة بصل مقطعة
- حبة جزر مبشور
- حبة كوسة مبشورة
- ملح
- فلفل اسود
- زيت
- جبن شيدر او جبن عادي
- كاس ماء دافئ
- ملعقة سكر
- ملح
- ملعقة ونصف خميرة خبز
- ملعقة حليب مجفف
- 1/4 كاس زيت
- فرينة
- 2 بياض بيض
- 2 صفار بيض
- سانوج
طريقة التحضير
- نحظر العجين باسم الله على بركة الله نحط الماء الدافئ مع السكر والمحل والخميرة والزيت والحليب المجفف وبياض البيض نخلطهم جيدا ونضيف الفرينة حتى نتحصلو على عجينة طرية من جهة اخرى نقلي الفلفل ونحاول نقشرو نعل ثقب في الوسط قيس ما نخرج الزريعة تاعو نحظر الحشو نحط البصل والزيت و نغليه قليلا نزيد الجزر والجريوات نغليهم نص طياب فقط ثم نضيف كفتة الدجاج ونطيبها نحطلها الملح والفلفل الاسود ونحطها على جنب تبرد
- نبدا نقسم العجين على قد حبات الفلفل نفتح العجين على طاولة العمل ونقطعو على الاطراف نحط حبة الفلفل ونحشيها بالحشو ونضيف جبن مبشور ونغلق عليها ونحاول نغلقها بالعجين على شكل ضفيرة ثم نتركم يخمرو بعدها ندهنهم بصفار البيض ونرشهم بالسانوج وندخلهم للفرن
- وهاذا الشكل النهائي ان شاء الله تجربوه ويعجبكم 🤗
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد