→ كل الوصفات

فلفل محشي

#طبخات_عائلتي فلفل محشي في الفرن بدون قلي صحي وميديش الوقت

  • 6 حبات فلفل او طرشي
  • رطل طماطم
  • سنينات ثوم
  • كاس رز
  • حبة زرودية (جزر)
  • حبة بيض
  • ½ حبة بصل
  • ملعقة طماطم مصبرة
  • ملح حسب الرغبة
  • زيت
  • وريقة رند (غار)
  • رشة فلفل اسود
  • رشة عكري
  • رشة ثوم بودرة
  1. نشللو رز ونقطعو الزرودية مكعبات ونديروه يطيب (يستوي) في الماء والملح ومغرف زيت
  2. فلفل نحيولو راس ونفيديوه مزريعة ونشللوه ونخلوه يقطر
  3. نسكرفجو طوماطيش فالرقيق ونسكرفجو معاها الثوم ونديرو زيت الملح التوابل رند (غار) وطماطم لمصبرة ونخلطوهم ونفرغوهم فبلا تاع الفرن
  4. كي يطيب (يستوي) الرز نصفيوه ونسكرفجو عليه البصل ونديرو معاه زوج مغارف تاع صوص تومات لي خدمناها وحبة بيض ونخلطوهم مليح ونبداو نعمرو فلفلفل كي نكملو نعمروه نستفوه فالبلا لي فرغنا عليها الصوص نغطوه بورق الزبدة والالمنيوم وندخلوه الفرن مشعول ملتحت
  5. كي يطيب (يستوي) نعريو عليه وندهنوه بالزبدة ونشعلولو لفوق وكي يحمر نحيوه
  6. وهنا خلاصت الوصفة نتمنى تجربوها
عجبتك الوصفة؟
شوف كل وصفاتنا في مكان واحد
كل الوصفات →