→ كل الوصفات

فوتشيني الفريدو بالدجاج والفطر

Amany Eslam Kitchen وصفة روعة روعة روعة من هنا لبكرة 😋😋حقيقي من أحب الاكلات اللي عندي هي المكرونة الوايت صوص بكل انواعها، لو جربتوها هتدمنوها زي 😉

  • 400 جرام مكرونة فوتشيني مسلوقة
  • ½ كيلو صدور فراخ مخلية مقطعة مكعبات
  • م ص من (ملح ، فلفل ، زعتر ، ريحان)
  • ¼ كوب لبن
  • كوب مشروم معلب او فريش
  • 2 م ك مليانة دقيق
  • 2 كوب ونص لبن
  • ½ كوب كريمة لباني
  • مكعب ماجي
  • رشة (زعتر ، ريحان ، فلفل)
  • ملح حسب الاحتياج
  • زبدة
  • زيت زيتون اوعادي
  • جبنة بارميزان للصوص والوجه (اختياري)
  1. الفراخ : تبلتها ب (ملح ، فلفل ، زعتر ، ريحان) واللبن وانا سبتها من قبليها بيوم ، انتي تقدري تسبيها نص ساعة عشان تتشرب التتبيلة ، وممكن تستخدميها علي طول لو مستعجلة 😉 ،
  2. تحضير الصوص : ١/في حلة اضع مكعب زبدة ورشة زيت زيتون وانزل بالفراخ اشوحها لحد لما لونها يتغير كويس ، ٢/بعدين اضيف مكعب زبدة تاني وانزل بالمشروم (استخدمت المعلب) واشزحهم مع بعض كويس اوي ، ٣/ انزل الدقيق واقلبهم مع بعض وابدأ انزل اللبن بالتدريج مع التقليب لحد لما يتقل اضيف الماجي وازود رشة بسيطة (فلفل ، زعتر ، ريحان) واقلب ،
  3. ٤/بعدين انزل الكريمة ولو هتحطي جبنة بارميزان واقلب ، ٥/اخر حاجة انزل المكرونة و اقلب كله مع بعضه وضيفي علي الوجه جبنة بارميزان وتاكليها سخنة مولعة 😋 وبالف هنا من قلبي والله ❤🙂 ،
عجبتك الوصفة؟
شوف كل وصفاتنا في مكان واحد
كل الوصفات →