→ كل الوصفات
طبعاً كلنا بنحب الفول.. بس يالا نعمله بطريقة مختلفة وريحته هتجيب لآخر الشارع.. ده غير طعمه😋وجماله🤩 وحلاوته😘 #تحدي_الشيف_الذهبي #الشيف_الذهبي #فول #كوكينا_cookina #eman_magdy
المقادير
- زيت🥃
- ب6 جنيه فول😁 مضروب في الخلاط
- بصل مقطع شرائح رفيعة 🌰
- فلفل مقطع مكعبات🌶️
- طماطم مقطع مكعبات🍅
- جزر مبشور🥕
- 2 فص ثوم مقطع قطع صغيرة
- معلقتين او 3 خل كبار حسب كمية الفول
- طحينة
- ملح، فلفل، بابريكا، كمون
طريقة التحضير
- اول حاجة سخنت زيت على النار وشوحت البصل لحد لما دبل وبقي ومش قادر يقف على رجله 😁وبعد كده نزلت بالطماطم 🍅وقلبتها لحد لما دبلت ونزلت الماء بتاعتها والبصل🌰 فكر انه متعور وبيخر دم 😲وراح للدكتور عطاله حقنة كبيرة 💉🤕وبعد كده نزلت بالفلفل على دماغهم وتألموا كثيرا🤯😂
- وبعد كده نزلت اخر حاجة بالجزر🥕 المبشور عشان حنين ورقيق ☺️ومايتحرقش مننا😂
- وبعد كده وسعت مكان في النص للمعلم الكبير الثوم عشان يتشوح حاجة بسيطة ويأخذ لون بسيط وقلبتهم مع بعض
- وبعد كده حطيت التوابل وقلبتهم
- وبعد كده جينا بقى للخل اللي هيقلب ريحة الشقة وهيوصل ريحته للجيران واخر الشارع كمان.. هنحطه ونقلب
- وبعد كده هنضيف الفول ونقلبهم مع بعض
- وبعد كده هنحط شوية طحينة وزيت
- وبالهنا والشفا على قلبكوا الجميل ويارب اكون كنت خفيفة على قلبكوا واكون اسعدتكوا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد