→ كل الوصفات

فول رمضانى بالسجق و البيض

#تجهيزات_رمضان

  • 4 كياس فول طازة عدل من على عربية الفول
  • 1/4 كيلو سجق بلدى يقطع قطع صغيرة
  • 6 بيضات
  • 2 ملعقة كبيرة زيت
  • 2 بصل أحمر كبار مفرومين ناعم
  • 2 ملعقة كبار صلصة طماطم بيوريه
  • 1 طماطم تقطع قطع صغيرة
  • 3 فلفل ألوان أحمر و أخضر و أصفر يقطع قطع صغيرة
  • 2 مكعب زبده
  • 1 ملعقة كبيرة كمون
  • 1 ملعقة كبيرة ممسوحه ملح
  • 1/4 م.ص فلفل أسود
  • كوب و نصف من الماء
  • 1 م.ص ثوم مفروم
  1. أول خطوة ننزل بمكعبين الزبده و معلقتين الكبار الزيت أول ما يقدحوا ننزل بالبصل
  2. بعد الزبده و الزيت قدحوا على النار نزلنا بالبصل و شوحناه و بعد ما ذبل معانا نزلنا بالفلفل الأخضر و عطيناه تشويحه
  3. بعد كده بننزل بالفلفل الألوان الأحمر و الأصفر و الطماطم و نشوحهم هما كمان أيضا
  4. نبدأ بقى نشوح السجق معاهم يدوب مش عيزاه يستوى قوى عشان حيكمل سواه لسه فى الفرن
  5. ننزل بالمعلقتين الكبار صلصة طماطم بيوريه
  6. و إضافة 1م.ص ثوم مفروم
  7. ثم إضافة كوب و نصف من الماء
  8. ثم إضافة البهارات الكمون و الملح و الفلفل الأسود
  9. و بعد ما الصوص يتسبك شوية ننزل بالفول و نقلب
  10. كده الفول جهز نبدأ نضعه فى الطاجن أو البيركس و نضع البيض على الوش
  11. يدخل الفرن على درجة حرارة 180 و أول ما يعمل على وش الفول بياض البيض و الصفار بتاعه يمسك و يجمد نعرف إن الفول أستوى
  12. على السحور ماشى على الفطار ماشى طاجن فول بالسجق و البيض محصلش جربوه و قولولى رأيكم إيه و رمضان كريم و بألف هنا و شفا
عجبتك الوصفة؟
شوف كل وصفاتنا في مكان واحد
كل الوصفات →