→ كل الوصفات
الفول الذ طعم وكل طعم ليه طريقة وانهارده معانا طريقة من طرق كتير طريقة الريف المصري
المقادير
- كيس فول جاهز مستوي من مطعم او علبة فول من السوبر ماركت "معلبات"
- 1 بصلة كبيرة
- فص ثوم لعشاق الثوم فقط
- 0.5 ملعقة بهارات
- 0.5 ملعقة كمون
- 0.5 ملعقة فلفل اسمر
- ملعقة ملح
- 0.5 فلفل احمر لعشاق الفلفل فقط
- قليل زيت
- 2 طماطم كبيرة
- 0.5 فلفل اخضر لعشاق الفلفل فقط
طريقة التحضير
- الطريقه انهارده بدون ثوم و فلفل واللي بيعشقهم وبيحبهم يضيفهم هيدوا طعم لذيذ جدا ومختلف
- نسخن الزيت على النار بعد كده نقطع البصل خرط صغيرة ونقلبها لحد ما يقلب لونها ذهبي
- نقطع الطماطم قطع صغيرة ونسقطها فوق البصل بعد ما يغير لونه للون الذهبي ونقلبهم عشان نعمل التسبيكه
- ننزل بالبهارات والكمون والفلفل الاسمر ونقلب لحد ما نعمل تخديعة الطماطم وتشم الريحه اللي تجنن
- ننزل بالفول في التخديعه ونقلب
- نهدي النار ونقلب بعد كده نضيف الملح حسب المذاق ونغطى عليه
- بعد كده نقدمه في طبق وبالف هنا وشفا
- طريقة رقم 1 سهله وبسيطه واقتصادية وانتظروا طرق تانيه كتير للفول 😙
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد