→ كل الوصفات
صحية و لذيذة ومغذية أتمنى تعجبكم ❤️
المقادير
- 1/2 كيلو جمبري
- كيس مكرونة فيوتشيني (شرايط)
- معلقة زبدة او سمنة طبيعي
- ملح وفلفل اسود حسب الرغبة
- كسبرة مطحونة
- 3 فصوص توم
- عصير ليمونة
- كوب لبن خالي الدسم
- 6 معالق دقيق شوفان
- ملعقة صغيرة ملح وفلفل أسود
- معلقة صغيرة زبدة
طريقة التحضير
- نغسل الجمبري كويس ونتبله بالتتبيلة بتاعت (ملح - فلفل اسود - كسبرة - توم مفروم) ونسيبه نص ساعة
- في طاسة على النار هنحط معلقة الزبدة او السمنة و نسوي الجمبري فيها و نشيلها على جمب
- هنسلق المكرونة بشوية ملح و رشة زيت عشان ماتلزقش في بعضها ونسيب كوباية من مياه السلق ممكن نحتاجها في الصوص
- لعمل الصوص هنحط المعلقة الزبدة و ال٦ معالق دقيق الشوفان وحمرهم فيها كويس وبعدها ننزل باللبن براحة ونقلبه كويس لو في اي دقيق مادبش ونهدي النار ونحط نص كوباية مياه السلق المكرونة الي شلناها وملح وفلفل اسود
- ولما الصوص يبقى قوامه وسط مش خفيف ولا تقيل نهدي النار وننزل المكرونة ونقلبها كويس وبعدها ننزل الجمبري فوقيها ونقلبها كويس جدا عشان الصوص والمكرونة ياخذوا من طعم الجمبري اللذيذ
- ونقدمها وبألف هنا وشفا أحلى مكرونة فيوتشيني بصوص الشوفان الابيض صحية ولذيذة ومغذية ، اتمنى تعبجكم ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد