→ كل الوصفات
طريقة عمل فيتوتشيني بالجمبري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو جمبرى فريش متقشر
- قشر الجمبرى
- كيس مكرونه شرايط او اى نوع تحبوه
- كيس لبن نيدو صغير
- 2 حبات فلفل الوان
- بصله صغيره
- فصوص توم مفروم
- ملعقه صغيره كمون
- ملح وفلفل اسود حسب الرغبة
- كسبرة ناشفه وبقدونس مجفف
- جوزه الطيب
- 6 صوابع كابوريا
طريقة التحضير
- الجمبرى نقشره ومش هنرمى القشر هناخده نسلقه ونحط معاه جزره وبصله وفلفل اسود وكمون ومايه ياخد غلوه بس ونشيل الوش بتاعه ونصفيه ونخلى الشوربه دى ع جنب
- هنسلق المكرونه بملح ومعلقه زيت ونتبل الجمبرى بالتوم وكمون بسيط وفلفل اسود وملح وكسبره ناشفه وبقدونس مجفف
- الجمبرى بعد ساعه هنشوحه ف زبده ياخد لون بس كدا ونشيله ف نفس الطاسه نحط نص معلقه صغيره توم مفروم يبقى دهبى ننزل بصله صغيره مبشوره وفلفل الوان متقطع رفيع اوى نشوحهم مع بعض وبعدين نحط معلقه كبيره صلصه وربع كوبايه مايه
- نص معلقه صغيره عسل ابيض وملح وفلفل اسود وبابريكا وكمون ونقلب ياخدو غلوه ونرجع فيها الجمبرى وصوابع الكابوريا دقيقه ونقفل
- ناخد شوربه الجمبرى وندوب فيها كيس لبس نيدو الصغير دا حله فيها ٣ معالق ذبده و٣ م دقيق ياخدو لون وننزل بالخليط بتاع الشوربه اللبن البودر ونقلب لو تقل نزود لبن تانى يكون خفيف اوى نحط رشه ملح ورشه جوزة الطيب
- بس كدا نقلب كله مع بعضه ونحط الجبنه وع الفرن مش بتاخد كتير ف الفرن يادوب تغلى وتشغلى الشوايه بس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد