→ كل الوصفات

فيتوتشيني تشيكن الفريدو 👌🍴

#الشيف_الذهبي من أروع اطباق الباستا اللي ممكن تاكلوها 😋 فهو طبق مميز جدا ومشهور في كل مطاعم الباستا و البيتزا ويتميز بنكهتة الرائعة والشهية يعشقة الكبار والصغار واحلى ما فية انة سهل جدا بفضل الله في التنفيذ 👍 جربوة بطريقتي يارب يعجبكم 🌹 😍

  • 350 جرام مكرونة لينجويني (شرايط)
  • 500 جرام صدور فراخ شرائح او قطع
  • 400 جرام مشروم او أقل حسب الرغبة
  • زيتون مخلي (أختياري)
  • تركي مدخن او سلامي (أختياري)
  • جبنة موتزاريلا
  • م ك ذبدة
  • عصير ليمونة
  • 1/2 م ص بهارات فراخ
  • 1/2 م ص بصل بودر
  • 1/2 م ص ثوم بودر
  • 1/2 م ص فلفل اسمر
  • 1/2 م ص بردقوش
  • رشة زعتر او اوريحانو
  • ملح حسب الرغبة
  • الوايت صوص 👇
  • من 3:2 كوب لبن
  • 1 كوب ماء سلق المكرونة
  • 2 م ك مليانة دقيق
  • 2 م ك ذبدة
  • 1/4 كوب كريمة (أختياري)
  • ملح وفلفل حسب الرغبة
  • رشة زعتر او اوريحانو (أختياري)
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
  2. في طاسة سخنة جدا ننزل بمعلقة ذبدة وفصين مستكة لو متوفرة والفراخ وعصير الليمونة ونديها صدمة بحيث انها متنزلش مايتها عشان تفضل جوسي وطرية من جوة 😉
  3. نقلب الفراخ كويس ونضيف البصل والثوم البودر وبهارات الفراخ والملح والفلفل والبردقوش ورشة سكر ونخليها تستوي وقبل السوا ب ١٠ دقايق نضيف المشروم الفريش ونقلب ولما يتم السوا نطفي ولو المشروم معلب نصفية من الماية بتاعتة ونضيفة قبل تمام السوا ب ٥ دقايق ثم نضيف رشة الزعتر ونطفي
  4. في هذة الاثناء نكون بنسلق المكرونة بالطريقة المعتادة
  5. في حلة نضع معلقتين الذبدة و معلقتين الدقيق ونقلب لحد ما يبقى دهبي فاتح ثم نضيف اللبن و ماء السلق والملح والفلفل ورشة زعتر ودي أختياري ونظبط الملح ونضيف الكريمة في الاخر خالص بعد ما يكون قوام الصوص مظبوط و نطفي
  6. نضيف المكرونة و الفراخ والمشروم والزيتون المخلي والجبنة الموتزرايلا عالصوص ونقلب كلة مع بعض ويقدم بالف هنا يارب 🌹 😍 ❤️
  7. ملحوظة 🤓 الصدمة اللي بنديها للفراخ مهمة جدا عشان تحافظ عليها طرية وجوسي من جوة متبقاش ناشفة.. الصوص انتوا بتتحكمو في سُمكة حسب ما تحبو وكميتة بردو انا بحبها غرقاااانة فية 😅😋😋.. بنضيف الكريمة في الاخر خالص بعد ما بنظبط سمك الصوص عشان لو ضيفناها في الأول ممكن تخرز مننا والصوص يبوظ..مهم جدا تكون الموتزاريلا بحرارة الغرفة مش مجمدة عشان تسيح وتمط من حرارة الصوص والفراخ بسهولة 😉جربوها بطريقتي يارب تعجبكم ❤️
  8. أخيرا رجاء كل من مر هنا يدعو لجدتي بالرحمة والمغفرة (أغفر لجدتي واجعلها من أهل الفردوس الأعلى يارب) ❤️
عجبتك الوصفة؟
شوف كل وصفاتنا في مكان واحد
كل الوصفات →