→ كل الوصفات

فيكتوريا كيك 😋💓🍓

دي كيكة بحشوة مربى الفراولة والكريم شانتي ومرشوش عليها سكر بودرة بجد طعم الكيكة روعة جربيها هتعجبك جداً 👌😍💗

  • 3 بيضات
  • 3/4 كوب لبن
  • 1/2 كوب زبدة سايحة
  • 1 كوب سكر
  • 2 كوب دقيق
  • 1 ملعقة كبيرة بيكنج بودرة
  • 1 ملعقة صغيرة فانيليا سائلة
  • 1 ملعقة صغيرة خل
  • مربى فراولة
  • 2 كيس كريم شانتيه
  • 1/4 كوب سكر بودرة
  • فراولة لتزين الكيك
  1. أولاً في طبق غويط نضع البيض والسكر والفانيليا والخل ونضربهم بمضرب كهربائي كويس جداً لحد لما يتقل القوام ويكون كريمي بعد كدة نضيف الزبدة واللبن ونخلطهم مع بعض كويس وبعدين نضيف الدقيق والبيكنج بودرة ونقلبهم مع بعض كويس وياريت انخلي الدقيق كويس قبل ما تضيفيه على الخليط عشان الكيكة تكون هشة معاكي 😍
  2. إحضري صينية حجم وسط وأدهنيها بالزبدة ورشيها بالدقيق وبعدين نضع فيها الخليط وندخلها الفرن على درجة حرارة ١٨٠ حوالي نصف ساعة ولما تستوي نخرجها من الفرن ونسبها تبرد وبعدين نقسمها نصفين ونضع قليل من اللبن على كل نصف من الكيك وبعدين نحشي الكيك بالمربى والكريم شانتيه ونضع طبقتين الكيك على بعض ونرشها بالسكر البودرة ونزينها بالفراولة😍
  3. بس كدة جربيها وأدعيلي بجد من اطعم وأحلى الكيك إللي هتعملية 😍🤗💖وبالهنا والعافية عليكي حبيبتي 😘💗💞
عجبتك الوصفة؟
شوف كل وصفاتنا في مكان واحد
كل الوصفات →