→ كل الوصفات
طريقة عمل قدره فلسطينيه خليليه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 دجاجه او لحمة
- كمية بسيطه من السمنه
- حبة من البصل مقطعة
- بهارات صحيه ورق غار وعود قرفة وهيل حب وقرنفل
- ماء مغلي
- كمية من الزيت والسمنه البلديه
- حبة من البصل جوانح
- ٦ اسنان ثوم
- علبة من الحمص الحب
- ملح رشة من الفلفل الأسود ورشه من الهيل
- ٤ كاسات رز قصير الحبه مخلوط برز طويل الحبه منقوع ربع ساعة
- بهارات قدره ورشه من الكركم ورشه من الهيل المطحون ورشه من الفلفل الأسود
طريقة التحضير
- بطنجره بضيف فيها كمية بسيطه من السمنه وبعدين ببدأ اقلي اللحم او الدجاج على الجهتين حتى ياخذ لون ذهبي من الجهتين
- بضيف عليها حبة من البصل لسلق اللحمة او الدجاج وبضيف البهارات الصحيحه ورق غار عود قرفة وقرنفل وحب هيل وبضيف هالمكونات عليها ثم بغمرها بالماء المغلي بشيل الزفره الي بتطلع على الوجه وبغطي الطنجره على نار هادئة لحتى تستوي اللحمة او الدجاج
- بمقلاه كمية من الزيت والسمنه البلديه قليت فيها حبةمن البصل جوانح ولما يتغير لونها بضيف الثوم سنان كامله وبقلب الثوم مع البصل ثم بضيف الحمص المسلوق وبضيف رشة من الفلفل الأسود والملح والهيل المطحون رح احركهم وتركهم على جنب
- بنرجع اللحمه وبنملحها
- لعمل الارز بنغسل الأرز وبنقعه ربع ساعة ثم بصفي الماء عنه ورح أضيف عليها خلطه البصل والثوم والحمص مع رشة من الكركم والهيل المطحون وملعقه كبيره من بهارات القدره والفلفل الأسود بحرك الخلطه مع البهارات منيح
- بالطنجره الي رح اطبخ فيها القدره رح احط شوي من الحمص والرز ورح رتب اللحمة او الدجاج وبرش عليها رشة خفيفه من بهارات القدره حتى تتنكه بنكهه طيبه ورح أضيف عليها كمية الرز بغمرها بميه سلق اللحمة او الدجاج ورح حطها على النار وعلى وجه الطنجره رح ضيف ملعقه سمنه بلديه
- بتركها تغلي على نار عاليه لحتى يصير المرقه مستوى الأرز بغطي الطنجره وبخفف الغاز لحتى تستوي تماما
- بتركها ١٠ دقائق وبقدمها بعد ما اطفي النار بزينها باللوز وصحتين وعوافي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد