→ كل الوصفات

قرص العيد الطرية والمقرمشة في نفس الوقت 👌

❤️سبحان الله وبحمده سبحان الله العظيم ❤️ #حلويات_العيد مفيش احلى من صباحية العيد الصبح وفرحة العيد الصبح والفطار المختلف ♥️ جربو القرص دي مع الشاي بلبن الصبح والسأساة في المج 😁😂 كل عام وانتم بالف خير وصحة وسلامة وعافية وستر من الله ❤️ ❤️

  • كيلو دقيق مخبوزات او كل الاستعمالات
  • 1.5 م ك خميرة
  • 3 م ك سكر
  • 3 م ك لبن بودرة(أختياري)
  • 2 م ك قشطة لو مش متوفرة يبقى زبدة
  • كوب زبادي 105 جرام
  • 1/2 كوب ماء دافئ
  • 3/4 م ص ملح
  • كيس بيكنج بودر
  • 3/4 كوب سمنة بلدي
  • 3/4 كوب زيت
  • لبن رايب للعجن او ماء
  • للحشو 👈 عجوة (تمر)طرية مدعوكة بمعلقتين زبدة ورشة ريحة الكحك او قرفة
  • جبنة اسطمبولي او رومي حسب الرغبة
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
  2. 👈في بولة ننخل الدقيق مع البيكنج بودر والملح واللبن البودرة ثم نبس الدقيق بكوب السمنة والزيت ويكونوا دافين عشان الدقيق يتشربهم بسهولة 👈 في بولة أخرى نضيف الخميرة والسكر والماء ونخفق جيداً ثم نضيف الزبادي ونخفقهم ثم ننزل بيهم عالدقيق والسمنة ونبدأ نعجن ثم نضيف القشطة او الزبدة ونكمل عجن بالماء او اللبن الرايب
  3. نعجنها كويس جداً ونخليها ترتاح وتخمر ويتضاعف الحجم ثم نقسمها كور صغيرة ونغطيها وناخد اول كورة ونبدأ نحشيها زي ما نحب ونرصها في الصواني ونغطيها ونخليها تختمر تاني ويتضاعف الحجم
  4. ندهن الوجه رايب او زبادي او لبن او لبن بودرة مذاب في ملعقة ماء مع ملعقة سمنة ورشة سكر او عسل ابيض هيدي اللون الحلو دة
  5. ملحوظة 🤓 👈 العجوة ندفيها في الميكرويف لو كانت في الثلاجة وندعكها بمعلقتين سمنة كويس جداً لحد ما تتطري تماما ونضيف ليها رشة ريحة الكحك او قرفة حسب الرغبة 👈 نوع الدقيق بيفرق ومهم لو مخبوزات هتبقى طرية اكتر لو كل الاستعمالات هتبقى في منها طرية ومقرمشة حسب التسوية 😉 هوضحها هنا 👇
  6. 👈لو حابة القرص تبقى طرية يبقى هنسخن الفرن على أعلى حرارة الأول وبعد ما يسخن تماما تدخل الصينية على الرف الأقرب للارضية ونخفف النار ل ٢٥٠ او ٢٢٠ ومجرد ما تأخذ لون نطفي ونشغل الشواية تأخذ لون من فوق ومجرد ما تطلع نرشها بماية ونغطيها بفوطة نضيفة ومش هتاخد ١٠ دقائق او ١٢ دقيقة بالكتير ✋ 👈 لو حابة القرص مقرمشة هندخلها الفرن على الرف الأوسط على حرارة ١٨٠ او ١٧٠ ونخليها تأخذ لون براحتها تقريبا من ١٥ ل ٢٠ دقيقة ولما تخرج نسيبها ومنغطيهاش ولا نرشها بماية هتلاقيها بقت مقرمشة نوعا ما زي المبسوسة
  7. 👈القرص دي وصفة واحدة هتعملي منها الطري وهتعملي منها الناشف بكمية مادة دهنية اقل واخف ومش دي الوصفة الأصلية لقرص العيد الغرقانة سمنة 😋 دي وصفة حلوة وسهلة وخفيفة.. انا عملت الطرية بالجبنة والمقرمشة بالعجوة وكنت مخلية العجينة رقيقة سنة عشان تقرمش معايا جربوها يارب تعجبكم ممكن ترشو على الوجه سمسم او شمر زي ما تحبو
  8. أخيرا اللهم أغفر لجدتي وارحمها واسكنها فسيح جناتك يارب العالمين 🤲 ❤️
عجبتك الوصفة؟
شوف كل وصفاتنا في مكان واحد
كل الوصفات →