→ كل الوصفات

قرص طرية بالشمر واليانسون 💖

احلى قرص طرية ممكن تاكليها 😋 خفيفة.. لذيذة.. هشة اللهم بارك ❤️ أملي البيت بركة بريحة الخبيز 🥖 🍞 🥨

  • كيلو دقيق
  • 1 م ك خميرة فورية
  • ا ملعقة كبيرة خل
  • ا ملعقة كبيرة بيكنج بودرة
  • 2 م ك شمر و يانسون مجروشين
  • 3 م ك سكر
  • نص ملعقة صغيرة ملح
  • كوب زبدة على زيت (3/4ذبدة والباقي زيت او نص زبدة ونص زيت)
  • 2 كوب لبن 🥛 او رايب و يفضل الرايب او زبادي
  • ¼ كوب ماء لتذاب الخميرة فية
  1. بسم الله.. اللهم صل على سيدنا محمد ❤️ نبدأ بنخل الدقيق مع البيكنج بودر والملح
  2. نذوب الخميرة مع السكر في ربع كباية الماء
  3. ندفي الزبدة والزيت ونبس الدقيق بيهم كويس جداً لحد ما يتشرب
  4. نضيف اللبن او الرايب او الزبادي ونعجن
  5. نخليها تختمر ساعة أو لحد ما يتضاعف الحجم
  6. نقرصها في الصينية ونخليها تختمر تاني نص ساعة
  7. ندهن الوجه بقشطة مضروبة بلبن لو موجودة ولو مش متوفرة يبقى لبن او رايب او زبادي على ملعقة زبدة وشوية سكر عشان تديني لون حلو
  8. نسخن الفرن على ٢٢٠ ولما يسخن حلو ندخل الصينية على الرف الأقرب للارضية
  9. لما تأخذ لون من تحت نطفي ونشغل الشواية و كل شوية نقلب الصينية عشان ياخدو لون من كل الجوانب
  10. اول ما تخرج من الفرن نرشها بخاخ فية ماء ونغطيها بفوطة ونرشها بردو وتكون مندية عشان تحافظلي على طراوة القرص
  11. ملحوظة.. لو الفرن بيشتغل شواية وفرن سوا يبقى تشغليهم سوا لان دة بيدي نتيجة افضل
  12. القرص مش بتطول في الفرن حوالي ١٠ دقائق او ١٥ دقيقة بالكتير حسب حرارة الفرن
  13. جربوها مش هتندموا والف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →