→ كل الوصفات

قرص طرية ساده ومحشيه عجوه 💕

#امي_جنتي

  • ½ كيلو دقيق
  • ½ كبايه زيت على سمنه "125ملي"
  • ½ كبايه لبن دافي"125مل"
  • ¼ كوبايه ماء دافيه "60مل"
  • معلقة كبيره خميرة
  • معلقة كبيره سكر
  • رشه ملح
  • ½ كيس بيكنج باودر او "كيك شيف"
  • معلقة كبيره قشطه
  • ½ كبايه زبادي كبيره"معلقتين كبار مليانين"
  • معلقة كبيره ونص مليانين لبن بودرة
  1. أول حاجه هنحط الدقيق عليه المكونات الجافة كلها من ضمنهم نص ملعقة كبيره سكر
  2. بعد كدا الزيت و السمنه و الزبادي و القشطه و نحط عليهم خليط الخميره "ربع كبايه الماء عليها ملعقة الخميره و النص ملعقة سكر الكبيره"
  3. هنقلب كله مع بعض و نعجن بالنص كبايه لبن حبه ب حبه لحد ما أحس العجينة لينة خالص و حلوه
  4. هنغطي العجين في فرن دافي لمده نص ساعة
  5. بعد كدا نطلعها و نكورها على شكل كور في حجم اللمونه أو أكبر شويه حسب ما تحبي و تحطيهم في طبق متغطي عليه بفوطه لحد ما تخلصي الكمية كلها خدي اول واحده كورتيها و افرديها بحيث يكون سمكها 1سم "لو هتعمليها ساده"..لو محشية افرديها ب سمك نص سم و احشيها عجوة
  6. هترصيها في صينيه مدهونه زيت خفيف و بعد ما تخلصي كل الكمية غطيهم بفوطه و دخليهم فرن دافي لمده 10 دقائق كدا أو ربع ساعة
  7. بعد كدا دخليهم فرن ساخن على 200 لمده من 15 ل 20 دقيقة "لحد ما تلون من تحت يعني بعد كدا افتحي عليها الشوايه تأخذ لون من فوق"بعد ما تطلع غطيها في بفوطه عشان تفضل طرية و مش تحتاجي تبوخيها بماء بخار الماء بتاعها هيظبطها و بالهنا و الشفا😘❤
عجبتك الوصفة؟
شوف كل وصفاتنا في مكان واحد
كل الوصفات →