→ كل الوصفات

قرص مع الشاي او تتحشي كريمة شيكولاته

مافيش قصه اكتر من انها انضف واطعم من المخبوزات الجاهزه

  • 4 كوب دقيق
  • 2 ملعقه كبيره سمن بلدي
  • 2 بيضه
  • 1 كيس فانيليا
  • ملعقه كبيره اوكيس خميره فوريه
  • كوبايه لبن بارد
  • 0.5 كوب سكر
  • كريمة شيكولاته بالبندق او مربى او حسب الرغبه للحشو
  1. اولا نضع اللبن في بوله غويطة ونحص عليه الخميره وندوبها كويس وبعدها نحط البيض والفانيليا ونخفق كويس وبعدها السكر وندوبه كويس ونبدأ نحط الدقيق بالتدريج مع التقليب المستمر الى ان يثقل الخليط نضع السمن البلدي بدرجة حرارة الغرفه ونقوم بالعجن باليد ونضع دقيق او لبن على حسب الحاجه الى ان يجمع العجين ولكن يكون طر ليس جامدا يعني لسه بيلزق شويه في الإيد لميه بحبة دقيق وحطيه في البوله تاني وحطي العجين في مكان دافي لمده لا تقل عن ساعه
  2. بعدها طلعي العجين وقسميه على تلاته او اتنين وحطي رشة دقيق على الرخامه وافردي الجزء الأول لكن خليه سمك 2 سم كده عشان لما تخمر تبقي عاليه وينفع تفتحيها وتحشيها يعني ماتخليهاش رفيعه مش اقل من سم على الأقل وقطعيها بقي مدوره او مربعه او اشكال صغيره لأولادك ورصيها في صوانه مرشوشه دقيق وسيبي مسافات بينها عشان حجمها بيزيد لحد ما تخلصي العجين كله ويتغطي كويس بالبلاستيك ويترك لختمر مش أقل من 6 ساعات هتلاقيها ارتفعت وحجمها كبر
  3. بعد ما تخمر نجيب قلايه غويطة ونحط فيها زيت غزير للتحمير وعلي نار هادئه نبدأ نقلي القرص هي عشان خمرانه وفيها هوا بتكون طافيه على وش الزيت ومش بتشرب زيت خالص نخليها لونها دهبي ونقلبها على الوجهين ونطلعها على مناديل عشان يمتص اي زيوت فيها وممكن تكليها سخنه وعليها رشة سكر بودره ولو عايزه تحشيها حادق ممكن تخلي السكر اللي في المكونات ربع كوب بس وبالهنا 😀
عجبتك الوصفة؟
شوف كل وصفاتنا في مكان واحد
كل الوصفات →