→ كل الوصفات

قرع محشي بالأوزي

طريقة عمل قرع محشي بالأوزي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 حبة قرع عسلي صغيره بعرض 12 سم
  • 1 كاسة شاي ونصف أرز بسمتي مغسول ومنقوع
  • 150 جرام لحمه عجل مفرومه ناعم
  • بصله صغيره جدا مفرومه ناعم
  • رشة من كل من
  • بودرة بصل وثوم
  • قرفه بودره
  • جوزة الطيب
  • فلفل اشود
  • مكعب ماجي
  • 1/2 كوب من الجزر والبازيلا المجمده
  • القليل من الزبيب والمكسرات للزينه
  • 10 جرام جرام زبده
  • 3 ملعقه كبيره زيت زيتون
  1. بنفتح حبة القرع بالشكل الموضح بالصوره باستخدام سكين حاده وبالملعقه بنفضيها من البزر والشعيرات الي فيها وبندهنها بالزبده من الداخل والخارج ورشة ملح صغيره من جوا وبندعكها فيها
  2. على الغاز بطنجره صغيره بنضيف زيت الزيتون وبنزل عليه البصل بس يبلش يدبل بنضيف اللحمه وبنقلب شوي لتبلش تستوي بنضيف البهار المذكور فوق وبنقلب
  3. من زيت ومية اللحمه بندهن القرعه من جوا وبنرجع للحمه بنوخد كمية صغيره على جنب نحطها عالوجه والباقي بنزل فوقه الخضار و بنتركهم دقيقتين على نار هاديه
  4. وبعدها بنزل الارز مع مكعب ماجي ومي سخنه تغمرهم وتزيد شوي بندوق المرقه اذا ناقصها ملح او شي اذا تمام بنعلي النار وبنتركها تغلى ولما تبدا تتبخر بنهدي النار وبنتركها لتستوي منيح
  5. بس تبرد شوي بنعبيها بالقرعه وبنحط على وجهها اللحمه وبنسكرها وبنلفها بورق الالمنيوم منيح وبنحطها بصينيه وبندخلها الفرن على حراره ١٨٠ ل٥٠ دقيقه (وكل ما كانت القرعه اكبر بتحتاج وقت اكتر انتبهو) بس تطلع بنزينها بالمكسرات وبنقدمها وصحتين
  6. هاي الكميه بتكفي لشخص واحد خودو فكره وضاعفو المقادير حسب حاجتكم
عجبتك الوصفة؟
شوف كل وصفاتنا في مكان واحد
كل الوصفات →