→ كل الوصفات

قرنبيط بالبشاميل واللحمة المفرومة

ناس كتير يمكن مش بتحب القرنبيط وهو ليه كذا طريقة وفكرة ستعمل بيها غير القلي ، المرة دي جربته بالبشاميل واللحمة المفرومة وطلع لذيذ وطعم مختلف 👌😉#الشيف_الذهبي

  • قرنبيطة صغيرة مقطعة صغير
  • ماء مغلي
  • م ك كمون
  • م ص فلفل اسود
  • 2 حبهان ، ورق لوري
  • مكعب ماجي
  • ملح حسب الاحتياج
  • ¼ كيلو لحمة مفرومة
  • بصلة مبشورة
  • م ص ثوم مفروم
  • كوب جزر مبشور
  • م ك صلصة
  • 2 عود زعتر فريش
  • م ص بهار لحمة
  • م ص كاري
  • م ص فلفل اسود
  • ملح حسب الاحتياج
  • ½ كوب ماء
  • زيت زيتون
  • رشة بقدونس
  • 4 كوب لبن
  • 3 م ك دقيق
  • م ك نشا
  • مكعب ماجي
  • ½ م ص فلفل اسود
  • ملح حسب الاحتياج
  1. اولا القرنبيط : اسلق القرنبيط في المكونات السابقة لحد لما يستوي خالص ، وبعدين اصفيه القطعه بالسكينة حتت صغيرة ،،
  2. ثانيا اللحمة المفرومة : في طاسة اضع زيت زيتون و معاه الزعتر الفريش وانزل اللحمة اشوحها لحد لما لونها يتغير ، بعدين انزل بباقي المكونات والتوابل وأضيف الماء واسيبهم يتسبكوا والخضار يذبل بعدين اضيف رشة البقدونس وبس كده ،،
  3. ثالثا البشاميل : في حلة اخلط كل مكونات البشاميل السابقة واضربها بالمضرب اليدوي علي البارد وارفعها علي النار لحد لما تتقل وفي الوصفة دي يستحسن أن اسيب البشاميل يتقل شوية علي النار زيادة وبس كدة ،،
  4. رابعا الصينية : اجيب صينية احط طبقة بشاميل بعدين قرنبيط بعدين شوية بشاميل بعدين اللحمة المفرومة وبعدين باقي القرنبيط وبعلي الوجه باقي البشاميل وارش رشة زعتر جاف وادخلها الفرن ١٠ دقايق من تحت وبعدين افتح الشواية تاخد لون وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →