→ كل الوصفات
#دايت #healthy_food
المقادير
- 1/4 قرنبيطة كبيرة الحجم
- صدرين فرخة أو 1/4 كيلو لحمة معصجة حسب الرغبة
- 3 جزر
- 3 فلفل مبشورين بالكبة ناعم جدًا
- بهارات وملح
- 5 معالق دقيق شوفان أو شوفان حبة كاملة مطحون
- حليب قليل الدسم "بضيف لحد ما البشاميل ياخذ قوامه الكريمي"
- ماء لسلق القرنبيط محطوط فيها ملح وكركم
- فص ثوم مهروس
طريقة التحضير
- تسخن الحلة على النار وبعدين احط الثوم واحركه بسرعة عشان ميلزقش بعد كدا اضيف الجزر والفلفل ومية واسيبه حوالي ٥ دقائق
- اضيف الفراخ او اللحمة واديها غلوة وبعد كدا اهدي النار واسيبها تستوي
- في حلة تانية نغلي ماء سلق القرنبيط ولما تغلي احط القرنبيط يتسلق لمدة ٥ دقائق بالزبط واشيله واحط في طبق لوحده
- بعد ما تكون اللحمة أو الفراخ استوت افضيها في طبق وفي نفس الحلة "دا توفير مواعين 😂" بجيب الشوفان المطحون او الدقيق واحطه على النار واقلبه من ٣ ل ٥ دقائق
- احط الحليب على الدقيق واحرك بسرعة عشان ميكلكعش واضيف بالراحة لحد ما يتقل ويبقى بشاميل واحط ملح رشة بسيطة
- حسب الرغبة اذا كان نرص في الصينية طبقات أو نقلب اللحمة مع البشاميل ونحطه مع القرنبيط
- اخر حاجة بعد ما جهزنا الصينية ندخلها الفرن من تحت وفوق عشان تتحمر والقرنبيط يكمل سواه
- وبألف هنا عليكم ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد