→ كل الوصفات
#المريول_العالمي (قرنبيط - لبن)
المقادير
- كيلو قرنبيط
- حزمه بقدونس وكوزبره خضره وعودين نعناع ولو بتحبي الشبت حطي اختياري
- 2 بيضه
- كوب دقيق
- 2 م كبيرة نشا
- معلقه صغيره بيكنج بودر
- معلقه من الملح والكمون والبابريكا والكوزبره النشفه
- كوبين دقيق
- 2 معلقه نشا
- معلقه صغيره بيكنج باودر
- معلقه صغيره ملح وكمون ونقلبهم كل البودر في بوله
طريقة التحضير
- ن نسلق القرنبيط في حله بها ماء وشويه ملح وشويه كمون وربع كوبايه لبن نستنى لما الميه تغلي وبعدين نضع قطع القرنبيط هنا اللبن حطيناه علشان الكمون هيغير لون الميه احنا عايزين القرنبيط لونه ابيض واللبن حيبضه وكمان الكمون واللبن علشان الانتفاخ
- هنعرف ان هو استوى ازاي بعد اما نضعه باربع دقائق بس احنا مش عايزينه ان هو يستوى خالص يعني نص سوى
- وبعدين هنطلعه على ميه ساقعه على طول لو احنا في الصيف لو احنا في الشتاء هنفتح ميه الحنفيه عشان خاطر بس ما نسيبوش ان هو يكمل سواه سخن بره
- وبعدين هنحضر التتبيله التتبيله السائله هتبقى كوبايه دقيق ومعلقتين نشا ومعلقه صغيره بابريكا ومعلقه صغيره فلفل اسمر وملح وكمون وكزبره ناشفه وبهارات هنجيب بوله كبيره ونحط فيها البهارات وهنحط فيها الدقيق وهنحط فيها النشا وهنجيب البيضتين كله مع بعض ونقلب وما ننساش البيكنج بودر هو معلقه صغيره جدا من وهنقلب وهنروح مزودين شويه ميه ونقلب وهنحط الخضره اللي احنا غاسلينها لو احنا بنحب البقدونس هنحط البقدونس وهنحط البقدونس لو احنا عايزين البقدونس والكزبره الخضراء ماشي زي ما تحبي
- لحد ما تصبح الخليط ده شبه عجينه الكيكه احنا مش عايزينها تخينه علشان خاطر ما تكسرش القرنبيط فيها احنا عايزينها تكون متوسطه ولا تخينه ولا خفيفه ونصيحه لو لقيتي نفسك زودتي ملح او زودتي بهارات حطي في الخليط ده شويه لبن هتلاقي الدنيا اتعدلت معاكي هنجيب الخليط البودر هنجيب نص كوبايه دقيق وهنجيب معلقتين نشا وهنجيب معلقه صغيره بيكنج بودر ونقلب ده هيبقى الخليط البودر والثاني الخليط اللي احنا عملناه في الاول اللي كان فيه البيض زي زي البانيه بالظبط بناخد من هنا بنحط على هنا بناخذ من الخلطه السائله بنحط على
- البودر وبعدين هناخد من التتبيله ونسيبها شويه عشان تتشرب في التتبيله بعد ما اخذنا من التتبيله السائله حطيناها في التتبيله البودر النشا والدقيق نسيبه شويه خمس دقائق وبعد كده هنجيب قلايه فيها زيت سخن ونقليه وانطلعه على مناديل بره علشان خاطر الزيت الخلطه دي هتخلي القرنبيط مقرمش وهيبقى ناشف من بره بس من جوه طري وجميل والاطفال هيحبوا القرنبيط والكمون اللي احنا حطيناه في السلق مع اللبن واحنا بنسلقه مش هيخلي غازات ولا اي حاجه وكمان هيبقى لونه حلو وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد