→ كل الوصفات
طريقة عمل قطايف بالجبنة 🥹❤️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- طحين
- سميد
- ملح
- سكر
- خميرة
- جوز الهند
- جبنة مالحة(اختياري) او زبادي
طريقة التحضير
- بنحط 3كاسات طحين ونص كاسة سميد بنحط معلقة ملح صغيرة ومعلقتين كبار سكر ومعلقة صغيرة خميرة وبنزيد علخليط 4 كاسات مي بنحركهن مع بعض لحد ما يعطينا القوام المناسب بنغطي وبنحطو عجنب ربع ساعه🌹
- لتجهيز القطر : بطنجرة بنحط كاستين سكر وكاسة مي وعالغار عنار عالية وبنستمر بالتحريك فيها بس يبلش يغلى بخفف الغاز وبحط عصرة ليمون وبنستمر بالتحريك خمس دقايق وبنحطو عجنب عشان يبرد 🌹
- الجبنة: كان عندي جبنة عربية مالحة نقعتها بمي باردة قبلها بيوم وثاني يوم غيرت المي وكمان مرة نقعتها وبعدها غسلتها وقطعتها قطع صغيرة عشان احشي القطايف
- الطريقة الثانية للجبنة : شمينت او زبادي وبضيف فوقهن معلقتين كبار سكر ومعلقتين كبار جوز الهند وبحركها مليح
- تجهيز القطايف : بحط قلاية عالغاز نار عالية وبعدها بدقيقه بنزلها لنار وسط وببلش احط بالخليط لحد م يستوي وبقلبو عالجهه الثانية وبنستمر بالطريقه ليخلص الخليط 🌹
- وأخيرًا ببلش احشي القطايف من نوع الجبنة اللي بتختارو حطيت الطريقتين 👆🏼 وبحمي الزيت عالغاز وبنحط القطايف ولما يتحمر من الجهتين بنزلو بالقطر (القطر لازم يكون بارد) وبنخلي كم دقيقه وصحتين وعافية🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد