→ كل الوصفات

قطايف بالكريمه و المكسرات المسكرة

حلوة اوي و خفية ولا احلي

  • قطايف (نزلت وصفتها)
  • كريمه شانتي او لباني
  • مكعب جبنه بطعم القشطة
  • معلقة زبده
  • كوب مكسرات مجروش(حسب الزوق)
  • 1/2 كوب سكر
  • معلقة جلوكوز
  • 200 جرام شيكولاته خام (مذوبه علي حمام مائي مع معلق زيت)
  1. المكسرات :— نسخن طاسة ننزل فيها بالسكر و الجلوكوز و يترك علي نار هادية لحد ما يتكرمل و يبقي لونه دهبي زي عسل النحل
  2. ننزل عليه بالمكسرات و نقلب لما نغلف كل المكسرات بالكراميل و يفرد علي رخامه مدهونه زيت و نفردها بالنشابه بسمك رقيق جدا و يترك يبرد و يكسر حتي يجمل بيه القطايف
  3. الكريمه :— مقدار من اللبن و الكريمه الشانتي يخفق حتي تاخذ قوام الكريمه
  4. ثم نهرس مكعب الجبنة و معلقة الذبدة و نضيفها للكريمه و تخفق مرة كمان حتي يمتزجوا جيدا
  5. يمكن الاستعاضة عن الكريمه الشانتي بالقشدة او الكريمه اللباني وممكن كمان تحشيها ايس كريم او كاستر
  6. القطايف:— تغلق علي شكل قرطاس و يحشي بالكريمه و تغمس في المكسرات المسكره و ترص في طبق و تدخل الفريزر تجمد شويه حتي تستطيعي التحكم فيها عند اضافة الشيكولاته (ممكن تحشي و تغلق كامله و تغطي بالشيكولاته و تغمس في المكسرات)
  7. تخرج من الفريزر يغمس طرف القطايف في الشيكولاته و تدخل التلاجه حتي تتماسك الشيكولاته
  8. وبالهنا و الشفا طعمها تحفه و اخف كتير من المقليه في الزيت و الشربات
عجبتك الوصفة؟
شوف كل وصفاتنا في مكان واحد
كل الوصفات →