→ كل الوصفات
#مقبلات_عائلتي
المقادير
- للعجين
- 2 كوب دقيق فاخر
- 2 كوب ماء دافئ
- معلقه كبيره لبن بودرة
- معلقه صغيره مليانه سكر
- معلقه صغيره مليانه خميره فوريه
- رشه ملح
- الحشوه
- 5 معالق جبنة فيتا
- 3 معالق كبار موتزاريلا
- ¼ كوب زيتون مخلي متقطع
- 1 فلفل اصفر
- رشه زعتر
- 2 كوب زيت, للقلي
طريقة التحضير
- هنضيف كل مكونات العجينه مع بعض الدقيق و الماء و الخميره و السكر و رشه الملح و اللبن البودرة و نقلبهم كويس جداً بحيث ميكونش في تكتلات او ممكن نضربهم بالخلاط
- قوام العجينه بيكون سايل اشبه بالكريب شويه حنغطيه و نحطه في مكان دافي لمده ساعة هنلاقيها ارتفعت وعملت زي رغاوي كده
- نقلبها و في طاسه ساخنه نحط شويه بشويه على حسب انتي عايزه حجم الواحده كبيره و لا صغيرة بالنسبالي بعملها كبيره عشان اعرف احشيها عكس لما تكون الحشوه حلوه
- مش بنقلبها ولا بنيجي جنبها خالص لما الوجه كله يعمل فقاقيع و تستوي بنشيلها من على النار
- بنطلعها على فوطه نظيفه و نغطيها بفوطه تانيه ومش بنرصهم فوق بعض عشان متعجنش وبس كده بتبقى جميله جداً و طريه و جاهزه للحشو
- بالنسبه للحشوه بتكون اي حاجه بنحبها و متوفره عندنا بس لو لحمة مفرومة او فراخ مثلا لازم تكون مستويه طبعاً و بتكون حلوه جداً بالبسطرمه برضه انا هنا حشيتها جبنة فيتا مع موتزاريلا و زيتون مخلي و فلفل اصفر وزعتر اللي كان متوفر عندي
- وبلاش نحشيها زياده عشان تقفل كويس و متفرقعش في النار
- طاسه فيها زيت سخن و نار متوسطه نقلي فيها لحد ما تأخذ لون ذهبي من الناحيتين انا بقلي الكميه اللي محتجاها و بشيل الباقي في الفريزر في أكياس ثلاجه ولما اعوز اطلع و اقلي في الزيت على طول و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد