→ كل الوصفات

قطايف زمان 🌷

ظهرت قد ما ظهرت اختراعات كتير لقطايف رمضان ، بس وحياة ربنا مفيش احلي من قطايف رمضان بتاعت زمان التقليدية دي الغرقانة في العسل واللي كنا بنحلي بيها مع فوازير رمضان وبوجي وطمطم وعم شكشك ، ياااه فين ايامك يا عم شكشك الله يمسيك بالخير لو كنت عايش ويرحمك لو كنت مت بقي 💜

  • قطايف عصافيري او عادية علي قد الحشوة
  • كوب سوداني مجروش
  • 1/2 كوب جوز هند ناعم
  • م ص او م ك قرفة
  • سكر ناعم حسب الرغبة
  • كوب ونص سكر
  • كوب ماء
  • كيس فانيليا
  1. اولا الشربات : في حلة اضع السكر والماء لحد لما يغلوا بعدين اطفي النار واضيف الفانيليا واسيبه يهدي ،،
  2. ثانيا : اخلط مكونات الحشوة مع بعض واحليها بالسكر وابدأ احشي القطايف بتاعتي ،،
  3. اقليها في زيت غزير ساخن لحد لما تاخد لون ذهبي ،
  4. بعدين انزلها في الشربات واطلعها في طبق التقديم وبس كدة بالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →