→ كل الوصفات

قطايف معسلين ومقرمشين

#معسلاتي_الحلوة

  • رطل قطايف
  • 100 غ مارغرين ذايبة
  • ماء زهر
  • 2 ملاعق صغيرة فانيلا
  • للحشو
  • 3 كيلات كوكاو
  • ¼ كيلة سكر عادي
  • ملعقة صغيرة فانيلا
  • عطر لوز لحلو
  • ماء زهر
  • للتزيين
  • عسل
  • ملعقة كبيرة غلوكوز
  • لوز
  • جوز
  • عقاش ورد مجفف
  1. نحكم لقطايف نحلها بيدي و نكسرها شوية ثم نزيدلها لفانيلا و نرش بماء زهر حتى تحسي بلي تشمخت شوية برك ثم زيديلها لمارغرين ذايبة و باردة و حاولي دخلي لمارغرين فيها مليح و خليها على جنب
  2. نحضر الحشو نخلط الكوكاو مع السكر ولفانيلا وملعقة صغيرة عطر لوز ونرش بماء زهر حتى نتحصل على حشو مفتت ميكونش معجن. نجيب ليمول تاع لحديد الصغار ونعمرهم قطايف (نحاول ندير طبقة مليحة) ونضغط بزااف و نعدلها مليح ثم نحط شوية من الحشو ونزيد نحط لقطايف من فوق نكثر شوية ونضغط ملييح
  3. ثم نديرلهم مغرفة كبيرة من المارغرين نسقيهم بها من فوق و نحطهم في صينية فرن وندخلهم يطيبو على 180د ولازم ميحماروش بزااف غير ياخذو اللون الذهبي نحيهم
  4. ومباشرة نصب عليهم حوالي 2 ملاعق كبار عسل مخفف بماء زهر ونخليهم يتشربو ويبردو تماما ثم ننزعهم من ليمول ونقلبهم من جهة اخرى نذوب الغلوكوز مع شوية عسل
  5. ونضع فيه المكسرات ثم نزين بيهم نضع في وسط كل ثقب حبة لوز وفصوص جوز وورد مجفف ويبقى تزين اختياري
عجبتك الوصفة؟
شوف كل وصفاتنا في مكان واحد
كل الوصفات →