→ كل الوصفات

قطايف

#حلويات_رمضان

  • مكونات القطايف
  • 4 كوب دقيق
  • ¼ معلقة صغيرة ملح
  • معلقه كبيره سكر
  • معلقه كبيره خميره
  • معلقه كبيره بيكنج بودر
  • 4 كوب ونصف ماء دافئ
  • مكونات السيرب
  • 2 كوب ونصف سكر
  • 2 كوب ماء
  • ½ ليمونه
  1. اول حاجه هنجهز السيرب هنجيب حله ونحط فيها السكر والمايه والنص لمونه ونحطها على النار عاليه في الاول لحد ماتغلي ونوطي النار ونسيبه لمده 10 دقايق وبكده السيرب يكون جاهز معانا ونسيبه ونروح نجهز القطايف
  2. ونيجي بقى نجهز القطايف بتاعتنا هنجيب خلاط كهربائي ونضيف فيه كل المكونات بتاعت القطايف ونضربها مع بعض كويس
  3. نسيب الخليط في الخلاط لمده 30 دقيقه علشان يخمر معانا
  4. وبعد 30 دقيقه نفضي الخليط في بوله ونروح على البوتجاز وفي طاسه سخنه نضيف الخليط بمعلقة كبيره شويه ونخليها تاخد الشكل الدائري لحد ماتاخد اللون الذهبي من تحت ونطلعها
  5. نطلعها بعد ماتستوي ونحطها في طبق ونغطيها بفوطه مطبخ علشان متنشفش معانا ونخلص كل الكميه بنفس الطريقة
  6. نحشي القطايف بالمكسرات ونقفلها كويس وبعدين نقليها في الزيت ونطلعها وهي شخنه نحطها في السيرب ونطلعها نحطها في طبق وكده تبقى القطايف بتاعتنا جاهزه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →