→ كل الوصفات

قطايف

كلنا بنحب القطايف برمضان الها نكهة خاصة بالاخص بعد الفطور مقادير سهلة وسريعة لتحضير القطايف

  • 2 كاسات طحين
  • ½ كاسة سميد ناعم
  • كاسة حليب سائل دافي
  • كاستين ماء دافئ
  • ¼ معلقة خميرة فورية
  • معلقة بيكنح بودر صغيرة
  • معلقة سكر كبيرة
  • ¼ فنجان ماء زهر وماء ورد
  • معلقة نشا كبيرة
  • رشة ملح
  • الحشوة
  • كمية قشطة وفيكم تحشوها جبنة
  • فستق حلبي للتزيين
  1. نضع المكونات السائلة بالخلاط واذا مافي خلاط بالمضرب اليدوي بمشي الحال لازم تحرصي ان المكونات السائلة تكون دافية
  2. بضيف السميد وبخلط وبضيف بعدها الطحين والخميرة والبكنج باودر وباقي المواد وبخلط لمدة 3دقائق بالخلاط واذا باليد لمدة 5_7دقائق لتضمني انو المواد انخلطت منيح ومافي تكتلات بترك الخليط نص ساعة لترتاح
  3. بعدين بحط مقلاية جرانيت او تيفال بمشي الحال بمسحها بالزيت مسحة خفيفة بالفاين بعدين بحمي النار على الوسط وبس تحمى ببدأ اصب القطايف بكون الخليط سائل تقيل شوي وبستنى عليها لتطلع الفقاعات الصغيرة وتنشف وتتحمر من تحت بشيلها وبحطها على طبق وبغطيها ببشكير انتي فيكي تعيري الحجم يلي بدك ياه عصافيري او كبير
  4. بتحشي القطايف بالقشطة وبتزينيها بالفستق الحلبي والعسل او بتحشيها جبنة حلوة او قشطة بلدية بتحمريها بالزيت الساخن وبتنزليها بالقطر البارد وصحتين وعافية
عجبتك الوصفة؟
شوف كل وصفاتنا في مكان واحد
كل الوصفات →