→ كل الوصفات

قطايف

طريقة عمل قطايف سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 كاسات ماء فاتر
  • كاستين طحين
  • 1/2 كاسة سميد
  • ملعقتين سكر
  • ملعقة صغيرة خميرة فورية
  • 1/2 ملعقة صغيرة بيكنج باودر
  • 1/2 ملعقة صغيرة كربونات الصوديوم
  • 1/2 ملعقة صغيرة ماء زهر أو محلب (اختياري)
  • للحشوة
  • قشطة بلدية
  • جوز مفروم
  • جوز الهند
  • قرفة مطحونة (الكميات حسب الرغبة)
  • قطر بارد لتشريب القطايف
  • فستق حلبي للزينة
  1. بإبريق الخلاط حطيت الماء الفاتر وباقي المكونات الجافة وخلطت كتير منيح وبالاخير ضفت الكوبونات وتركتها ترتاح ربع ساعه
  2. بصينية جرانيت أو تيفال حطيتها على نار متوسطة الحرارة وبلشت اسكب دوائر لحتى تستوي من فوق وتتحمر من الأسفل طلعت الحبات وتركتهم ينشفو على قطعة قماش أو بشكير وبعدين غطيتهم
  3. وهيك طلعت طرية وبتجنن وجاهزة للحشي
  4. وجهزت الحشوات وبلشت حشي... هدولا حشيتهم بالجوز (خلطت جوز مفروم وجوز الهند وقرفة وبصير نحط سكر) وسكرت الحبات
  5. وحشيت قطايف بالقشطة البلدية وهاي القشطة انا عملتها والطعم خرااافي
  6. وهون بلشت قلي قطايف الجوز اما القشطة عملت الحبات عصافيري مفتوحات ما بدهم قلي
  7. حطيتهم بالقطر البارد وطلعتهم
  8. وهاي قطايف القشطة بعد ما حشيتهم زينتهم بالفستق الحلبي وصبيت عليهم قطر بارد حسب الرغبة وصحتين وعافيه ♥️ حبيباتي ❤️ #رنا_فارس
عجبتك الوصفة؟
شوف كل وصفاتنا في مكان واحد
كل الوصفات →