→ كل الوصفات

قلب اللوز محشي على طريقة ام وليد 😘

#صدقة_جارية تعلمت من ام وليد انه اي مول متوفر عندك تقدري تعملي بيه القلب اللوز مهم كاول خطوة انك كي تحطي السميد تاعك الخشين فيه لازم يجيك فوق النص بشوي وتكيليه على ثلاثة ثم تعبري نفس لعبار سكر ونفس العبار ماء للشاربات. وثاني حاجة ضروري تخليه يتشرب مليح مدة 6 ساعات

  • للعجين
  • 3 كيلات سميد خشن
  • كيلتين سكر
  • كيلة الا ربع ماء زهر نكملها بربع كاس زيت
  • علبة ياغورت طبيعي او كاس اتاي لبن
  • للشاربات
  • كيلة سكر
  • كيلتين ونصف ماء مكملة بنصف كيلة ماء زهر
  • للحشو
  • كاكاو +كاوكاو مطحون
  1. اولا نحضر شاربات في كسرونة نحط سكر ونضيف الماء والماء زهر ونخلط حتى يذوب ثم نوضع الخليط على النار حتى الغليان مدة خمس دقايق ونطفي ونخليه يبرد
  2. في طبسي نفرغ السميد ونضيف ليه رشة ملح و ملعقة صغيرة فانيلا والسكر ونمزج المكونات مع بعض
  3. نضيف ماء الزهر على لبن والزيت ثم نمزجهم ونفرغهم على خليط السميد ونخلط الكل بالاصابع فقط دون عجن حتى يدخلو في بعضهم بعض
  4. نجيب السينية تاعي او المول وندهنو بالسمن او الزبدة دايبة ونفرش نصف كمية السميد ثم نملس الوجه فقط دون ضغط او دعك ونضيف الكاوكاو مطحون اولا ثم نرش الكاكاو ثانيا
  5. نغطي الحشو باضافة السميد من لفوق وما نخليش فراغات ونملس مرة اخرى الوجه دون دعك ثم نطراسيه ونشكل خطوط بالموس اي السكين ونحط كاوكاو في وسط كل مربع وندهن الوجه بالزبدة
  6. ندخل قلب اللوز للفرن مسخن مسبقا في درجة متوسطة من لتحت فقط مدة 30الى 40 دقيقة حتى يتحمر في الاطراف
  7. نطفي ونشعل من لفوق حتى ياخد اللون الذهبي نخرجه و نشربه بالشاربات باردة وهو سخون ونخليه يتشرب مدة 6 ساعات ثم نقطعه
عجبتك الوصفة؟
شوف كل وصفاتنا في مكان واحد
كل الوصفات →